大家好，好耐無打Blog了，多謝大家Email同FB的問候，我從台灣返黎已好幾日了，但因太多野要處理同自己的心情唔好的關係，我仲未處理好我呢個Blog的事。但我都同左MSW同CP講左呢件事，我都因為呢件事而哭過，鬧過，攰過甚至Self-harm過。我打左Blog已好幾年，由Yahoo到Goggle再到呢度，你地都唔覺得麻煩，都仲睇我的Blog....
今日見CP時，佢話佢已經比我激死，話我唔好人地講咩我就要信，佢甚至打開醫管局個系統比我睇，話無人可以入到去的，而最近都無人入過去睇過，但詳細佢地的系統係點，我唔係度多講了......今日CP的時間其實好忙，但我係咁哭，佢叫我唔洗怕任何人，因為我最多可以報警，更加唔應該為左佢地而死~
累了，我知道我唔應該再係度打Blog，甚至打以上的野，因為我知道「佢地」都可以睇到我打的野，但原本我的Blog都係公開的，不是嗎？我更加唔知「佢地」有無Del左我D留言甚至Email，所以我真的想係度同大家作過交代。我打埋呢篇，我唔會再係度打的，而我都唔會公開我Blog的Link比你地知，我會Email比你，而我會再開另一個Email，所以你地要有心理準備，有另一個Email的我會比我新的Blog的Link比你地。而我的Fans Page都唔會再放我Blog的Link上去，但我會照更新，但只會打野，唔會放Blog的野上去~而所有野，開Email同新Blog，我都會用另一部電腦進行。
我知呢個安排會令大家好不便，但我真係唔想我打Blog時，我係同大家分享我的感受的時候，大家係度互相支持的時候，會令大家增加更多的唔開心。
而新Blog我會用最少一星期時間去處理，我唔會打Blog，所以我會係Fans Page做小小的更新，大家可以留意下。而你地都可以用呢段時間Send Email比我知你的Email係咩，之前有Send過的就唔洗了，因為我知道有D blog友係一直睇緊我的Blog甚至得到幫助，不過一直無留言，但如果你想睇我的更新的話，可以Email比我，如果你地唔想比我知你地的私人的Email，可以自己再申請一個新呢~而我而家的Email仲會Keep住用，只係Send 新Blog的Link比你地時，我會用新Email~
對此為大家造成的不便，Sorry呀~一個星期後Email見啦~
