中秋節

今日係中秋節，

唔鐘意中秋節的我，

都無安排任何節目，

都係當普通一日咁過~

中秋節係一家團圓的日子，

6年前的今日，確實係可以一家團圓的，

一家人開開心心食過月餅，就落去樓下行下，

甚至攞起螢光棒去玩，同普通一個小朋友無咩分別，

胡思亂想

今日係4日假期中的第一日，

好耐未放過咁多日假了，

其實都無咩野做，

都係得閒就係做下功課，唸下野咁~

今日用左2分一的時間黎訓覺，

再用4分1時間唸野，

其餘4分1時間做功課，

今日都係唸下D唔應該唸的野，

返病房見醫生

今日都係返學日，

上堂分組，我同某男仔吵架，

搞到我今日心情好差....

係，我今日好燥，

係咁搵人黎鬧，

好多同學都話我今日唔同左......

最後個堂係中秋節活動，

我一落到去hall我就好頭痛，

加上我一向都好憎活動，

只想消失

我好唔想面對將來的野，

將來實在太多野要面對了，

我係AQ低，

我會選擇逃避，

我一世最憎就係10月，

特別係今年，

見到個日曆，九月都未完，

已經知道10月份我有10樣野係唔想面對的，

平凡的返學日

今日係返學日，

係一日無咩野發生的返學日，

係禮儀堂，今日拍片，

要分組，一向唔鐘意分組的我，都要分組了.......

成2粒鐘，都係要拍片，

中途一定有爭執，但總算完成了，

雖然我地預左最低分一定係我地，

但好過無做啦，

因為大家都係hea住做，

見CP+MSW

今日返學校上課前返左學校見CP，

今次見得比較耐，有20mins左右，

用左15mins睇功課，

佢係咁讀我寫既野，

佢一邊讀，我一邊係度狂笑，

因為我睇返自己寫的野都覺得好好笑，

CP好無耐，佢問我有咩好笑，

我無答佢，只係繼續笑，

佢最後都比我引到笑左，哈哈~

咁係最好的

今日係星期一，

係一個星期中的第一日，

代表著未來5日要返學了，

返完呢5日，就有得放4日假，係好事嗎？

放完之後又有排補課了........

今日最後一堂就係班主任堂，

要分組見班主任，

第一組就係要見了，

笑~

今日早上如常返教會，

有時候，我都唔知返去做咩的，

我係咪真係信呢？

呢排我真係好唔開心，

但係我知道我唔可以哭的，

就算幾唔開心，幾想哭，都要忍~

可能好多人都唔覺得我係唔開心的，

因為我成日都笑笑口，

無論你話緊我，笑緊我，我都係笑的，

星期六......

今日係星期六，

終於唔洗返學了，

全日大部分時間都係屋企訓，

無計啦，真係好眼訓呀~

唔知點解呢2-3個禮拜一出街就好頭暈，

搞到我頂唔順返返屋企，

一返屋企訓係張床度就即刻唔暈，

我唸應該唔係咩病，

只係心理的問題，唉~都唔知咩事........

因為掛住訓覺的問題，

返病房見醫生+CP

今日都係返學日，

第1,2堂個呀sir無返，

第1堂轉左上中文堂，

第2堂就變左空堂了，

去左圖書館溫書~

今日又test了，

都唔明咁鬼多test的，

每日都要溫書同做功課，

聽日唔洗返學，

想我點姐~

今日都係返學日，

今日要返早，仲要好早個隻，

好眼訓，好攰~

上英文堂個陣頂唔順，

又訓著左，

只係個5mins，

但訓完都係好眼訓.....

英文又默書了，

唉~雖然唔係好難，

好無聊

今日都係返學日，

真係好悶，好無聊.......

ENG堂派左好多野，

又要我地睇報紙，又要我地睇書睇電影，

之後要寫返個report，

當然係返屋企做啦~

之後個堂係教男女之間的禮儀，

要分6個人一組做project，

見MSW+返病房醫生

今日上課前去左見MSW先，

都係無咩野傾，

佢話咁樣唔係辦法，見親佢都無野講，

今次都係講下學習上的野，

傾下學左D咩咁囉，

佢問我星期六有咩野做，

我答佢無，

我真係無咩野做呀嘛，

佢都係叫我識多D唔同的人，

好眼訓......

今日都係返學日，

都係一星期中的第一日，

意味著又要開始辛苦了......

今日真係超眼訓，

今日真係頂唔順，

上上下中文堂訓著左，

自從轉左呢間學校以來，第一次上上下堂訓著左，

係以前間學校，

我差唔多堂堂都訓覺，

好down =.=

今早都有返教會，

其實我超唔想起床，

唔知點解超眼訓，

唉~我已經唔多想返教會，

可能太多人，令我好驚，

而且，我真係邊度都唔想去，

不過，呀媽又死都要我去，

我去到，都係係咁玩手機，

仲係好頭暈

今日都仲係好頭暈，

暈左個幾星期，

都唔知咩事......

搞到我溫書又溫唔到，

做功課又做唔到><

係病？定係壓力大？

唉~真係唔知咩事.......

今日情緒都係麻麻，

唔知咩事=.=

今日都係返學日，

今年的野真係難過上年好多，

好多野都唔識.....

好多功課，好多test，好多默書，

我真係怕今年會好多科會唔合格，

出年等留班啦......

今日依然聽到好多聲，

D聲好煩，

睇黎D新藥都無咩用~

算啦，我對D藥都無咩希望，

都係咁.....

今日都係返學日，

今日真係好攰，

早上累到唔想返學，

不過唔知點解近排都唔係幾想返學.......

今日上完堂都唔知學左咩，

中文堂學拼音，

全人發展堂講如何處理逆境，

又講到HK係全個世界第2多人自殺的地方，

其中最多係青少年，

仲好頭暈

今日都係返學日，

好眼訓，唔係好想返學~

但最後都係要返，唉~

個人仲好頭暈，

都唔知咩事~

個人又好唔開心，

咩人都唔想見，

有時真係唸：做人有咩意義呢？

就為左咁辛苦咁返學？

返病房見醫生+CP

好頭暈，又嘔，

都唔知咩事........

今日都係返學日，

一早有學校職員打比我，

同我講張學生證用得返，

但我今日返學，點名紙都仲未有我名，

唉~真玩野......

放學返左醫生見CP，

去到一個nurse都見唔到，

拍CP office門又無人，

見學校S.W+MSW

今日都係返學日，

好頭暈，唔想返學，

講真，真係開始唔想返學，

返學真係好辛苦，

好累，唉~

今日第一堂就默書，

返學第6日就要默書了，

唉~真係好快......

lunch去左見學校S.W

我好煩~

今日早上如常返教會，

全日都好頭暈，

可能同連日來訓唔到有關~

今日真係好唔開心，

又開始想死......

今日收到病房姑娘的電話，

佢叫我唔好成日煩住D社工，

唔好成日用死嚇佢地.....

下？我呢排已經無同佢地講想死，

見醫生+新生會S.W

琴日都係返學日，

已經唔算好悶的一日，

張學生證仲未用到，

都唔知幾時先OK返~

放學去左病房覆診，

等左1粒鐘，

等到6點鐘，

我幾驚執唔到藥呀，

越來越差

今日都係返學日，

張學生證仲未OK，

張點名紙仲未有我名><

今日上的堂都好悶，

多數都係老師講規矩多，

一係就玩遊戲，

真係好悶~

放學去左見學校S.W，

點解會咁？

今日都係返學日，

係一個好唔開心的返學，

我開始對呢間學校無歸屬感，

因為張學生證圖書館又入唔到，點名又點唔到，

簡單來就係失效.......

原因係我唔知比邊個DEL左我的學籍，

當我休學><

我同左班主任講，班主任只係答：我幫你check下.......

返病房見醫生+CP

今日照常返學，

因為老師要開會，比原定時間提早左1個鐘放學~

唔知點解張點名紙無我個名，

難道學校想我休學？

之後返左病房見醫生，

等左成粒鐘，

見得個2-3分鐘，

都無咩野傾，

開學了

今日開學了，

返學前已經好緊張，

搭車返學時，越接近學校個站個心就越跳越快，

好怕見到熟人，

其實我都唔知自己驚咩，

返到學校，

由於今年好多科都轉用英文教，

見到啲NOTES就好唔適應，

又派左好多野，

離院了

琴日已順利離院了，
點解我叫離院，唔叫出院呢？
因為醫生話唔可以叫正式出院，
我一星期要返病房兩次見醫生，
如果OK就可以返屋企，
但如果我一唔開心，或聽到聲就要返返醫院住，
講真呀，我係仲有時會聽到聲，
但我同醫生講我完全無，
因為我好想出院，