病!!!
夠竟我係咩病？
係咪真係我幾年前聽返來的depression呢？
回想返我4年多前第一次去QE的兒童及青少年精神科的時候，
醫生並無直接告訴我係咩病，
只係同陪我去見醫生的學校SW and 呀媽講
從佢地口中我得知我有嚴重的depression
醫生所開的藥都係depression的藥
之後轉來轉去，由QE到KCH都係話我depression
之後3年前我又去左TMH度睇兒童及青少年精神科，
我開始接觸CP(之後接觸的都是輔導員同Dr.)
佢開始懷疑我有焦慮症同社交恐懼(因佢不斷比個2方面的資料我睇)
我開始懷疑夠竟我係咩病........
有一次，我鼓起勇氣，問醫生我夠竟係咩病？我要佢親口告訴我.....
佢只答我情緒病........
我無話可說......
但直至我其中一次入院，睇我自己張病假紙
佢話我有Major Depressive Disorder
我以為可以告一段落......
之後，我又在一次的入院其間
比社工同護士話我可能係Asperger
我好怕，我立刻問我的醫生
佢話:係咩？之前啲醫生一直都無話你係Asperger的
我又問一個我信任的nurse，佢只係話我有其中一些徵狀，但不代表是
我之後又問CP，佢話我唔係，唔好聽人講
我開始放下心頭大石
直至幾個月前，我再次入院，又轉左新醫生同CP
我呀媽問佢我係咪有 Asperger ，CP話唔係，但無話我係咩病
但我2個月前出院，睇下張假紙
話我係medical problem(大包圍)
不過，我食的藥係depression的藥，加上之前的醫生講的野，我應該係depression掛~
但每次有新社工陪我復診，醫生總是叫我係出面等，
佢話想社工了解我多一些
之後社工同社工之間的對話，a又叫b睇返我history就會明
點解佢地要咁神秘，有咩係我唔知得
我係咪只是depression咁簡單？
我唔敢問醫生同CP
因我覺得佢地係有所隱瞞
一個入左近10次醫院，做左24次ECT，食過10幾種藥的病人，
居然唔知自己真實的病，真可恥......
難道係政府醫院睇的關係，醫生一定會比上一手的醫生影響到佢斷症？
唉~有錢我情願睇私家.............
唔係咩可怕病咁妳放心啦！
回覆刪除Major Depressive Disorder 係憂鬱症
容易情緒低落，對周邊事物都沒興趣或且容易哭泣和擔心。
Asperger
係好鍾意孤立自己，覺得自己和別人不一樣而無法和同齡的朋友交往！
同埋重復做一些無意義的動作，例如：介手
唔緊要啦！病咗就食藥，D藥食了之後好暈或其他不適就打電話去精神科轉藥......提早排期！
[版主回覆08/24/2011 11:35:00]唉~我好似好多病都有其病徵，
我都唔知我真正係咩病!!
難道係混合症？
憂鬱症，有好多混合情緒病；唔奇吖！我都有幾種情緒病！
回覆刪除[版主回覆08/25/2011 19:12:00]可惜Asperger唔係情緒病呢？
好普通病唔好諗得咁多，都市病來的！大把人有啦！唔講之嘛！
回覆刪除[版主回覆08/25/2011 19:13:00]係，如果係情緒病的話，大把人都有
情緒病係有好多種的,但很多種都可以完全康復,自己的信心好緊要
回覆刪除[版主回覆06/30/2013 19:38:06]係