CPN陪我覆，
見醫生見到哭了，
唉~醫生又想叫我入院><
醫生：點呀你？我想聽你自己講
我：出左院無得上堂
醫生：下？唔係只係星期一唔返的嗎？
我：我琴日先開始返學
醫生：請左2日假？咩事呀？
我：老師話怕我跟唔上，所以比啲NOTES我睇下先
醫生：咁咩事唔開心？
我：無事呀
醫生：你要講出黎先幫到你
我：唔知呀
醫生：一定有事先會唔開心的，你出院個日都仲好開心，好多野講的
我：真係唔知呀！我只知道我唔明白點解要生存，每天活著都好辛苦.......哭了
醫生：發生咩事呀？學校都無人蝦你啦
我：都唔關學校事><我上堂因為啲聲好吵聽唔到書，又手震，係學校要做第2個自己好辛苦
醫生：吽係第2個自己？
我：扮一個好開心的我><
醫生：我加唔到藥比你，因為你手震，但又唔可以加解藥唔你，因為怕你辛苦，但其實唔關藥事，係醫院都係食呢啲藥，都聽唔到聲，應該係關壓力事囉，一係入返院了.....
我：唔入呀，入左出返黎咪又係咁.......
醫生：咁我加啲鎮定劑比你啦，再加啲訓覺藥比你
之後CPN同醫生講英文，唔知佢地講咩><
下午見CP，
都係做重整治療，
今次神奇地我無哭.....
CP話我進步左......
下次因為佢星期五唔得閒，
所以星期四要請假見佢><
佢星期一會打比我.....
之後去左見MSW，
都係傾星期一發成績表的事，
佢叫我答應佢唔好OD><
而CPN又叫我一見到成績就CALL佢......
佢地好似仲緊張過我-.-"
點解一見病人喊.就叫人入院.
回覆刪除我記得以前仲讀緊書,系醫院一個人覆診.女醫生見我哭.提意我入院休息下.
[版主回覆02/26/2012 09:08:31]係呀，但醫生要咁做，都無辦法
[Kawai回覆02/26/2012 00:07:51]一喊就住院,真係多多醫院都唔夠用
[版主回覆02/25/2012 09:02:37]或許這個係所有醫生的作風
相信你哭與唔哭已經很自然了，不是你在醫生面前去強迫自己不哭。不過就真不明白這醫生就這樣再加藥給你?同入醫院真係有幫助?有點兒不明白。
回覆刪除[版主回覆02/25/2012 09:04:16]藥物同入院根本對我無幫助
原來你要食咁多藥，真係辛苦死
回覆刪除[版主回覆02/26/2012 09:10:47]一日食十九粒，真係好辛苦
已有一段時間沒有在這裡留言給你，知道你可以減藥也為你高興。患上情緒病跟患上其他的疾病，例如感冒、糖尿病、哮喘等等一樣，醫生開的藥是用來減輕情緒低落等不適病徵的，病人除了服藥外，也需要做一些有助增強"情緒抵抗力"的事情作為配合，才可以逐漸痊癒的。甚麼是有助增強"情緒抵抗力"的事情呢？要數起來多的是呢！不過，首要件條是你要肯去試。不過，我覺得最最最重要的一環，是必須保護自己遠離那些只會引發你的消極負面思想的事情。如果你在心情極度低落時，還放縱自己不停地去接觸那些只會引起負面思想的東西，那就像你明明感冒了，還要繼續不停地捱通頂捱到謝然後再去跑馬拉松一樣，後果只會是輕者不支倒地肺炎入院，重則猝死街頭。你能不能好，全看你想不想做，你想不想好。
回覆刪除[版主回覆03/01/2012 08:49:01]其實我係加左藥，而唔係減左藥，但多謝你的到訪和留言，我會努力去對抗那些負麵思想的，thank
接受治療是辛苦的事，但憑你無比意志，一定可以衝破難關。你已經好叻架喇！
回覆刪除[版主回覆12/19/2012 21:55:42]我未必得，太辛苦了