見醫生+CP+MSW+CPN

今日見MSW，

出左灣仔，

傾左好多野，咩都傾下~

之後見CP，

無情情火警，天台出事，

要疏散，

搞到我同CP傾唔到計，

見得個幾分鐘，

失敗，功課都未睇完就走了，

唉~之後又見MSW

食LUNCH之後同社康一齊見醫生，

比社康罵我，

佢話佢幫唔到我，

叫我不如轉第2個，

我好唔開心，哭了，

我唔想轉呀，

我唔想係我最需要人的時候，

你地離開我><

由於我今日係提早見醫生，而且我主診放大假中，

所以我見另一個醫生，

呢個醫生超好人，佢直接坐係地下同我傾計，

醫生：你好，我係X醫生呀

我：我唔出聲

醫生：見你好似好唔開心，咩事呀？

我都係唔出聲，

CPN就同醫生講我的近況，

醫生：咩事唔開心呀？

我都係唔出聲

醫生走過黎，整低個人同我傾計，

醫生：伸隻手出黎，我睇下有無手震

我伸左出黎，真係好震

醫生：你而家想點呀？入院？

我：我要返屋企

醫生：咁你同我講左有咩唔開心先啦

我：我有2個朋友入左院，返學搞到得返我一個，返學啲聲好煩

醫生：真係慘呀~我同你改下啲藥好唔好？

我：哦

醫生：訓唔訓到呀？

我：訓唔到~

醫生：訓唔到好慘呀~開多粒安眠藥比你啦~星期一返黎覆診好唔好呀？

我：下？咁又要請假？

醫生：唔怕呀，帶埋藥黎

我：帶左了，之後我比佢睇

醫生每隻藥同我解釋

佢又問我點解想死？

我：我唔係想死，我OD只想令自己唔好咁清醒

醫生：我加比你的藥已經好攰了，唔洗OD都可以唔清醒

我：哦

醫生：你星期一想見返我定其他醫生呀？

我：你

醫生：多謝你咁撐我埸呀，咁星期一要見到你嫁，星期六日我會叫社康打比你睇下你點的

我：哦~再見

今次見左成半粒鐘，

個人認為佢超好人，

起碼好過我主診，

話唔入就可以唔入，

又有耐性聽我講野，又有同情心，

唉~可惜佢唔係我主診><