針對

我真係要重新考慮下入院呢個問題...

因為我值唔值得再為呢間不知所謂的學校而延誤左自己的病呢？甚至令到其病發呢？

點解？就因為今日發生的事令我改變了我的想法...

我比大部分老師針對.....

講真，如果我比同學針對，我可以叫自己忍，因為當佢地係貪玩，或者細個唔識唸姐~

但係老師，sorry，我真係接受唔到lo....

連個同我一起食lunch的同學都感到奇怪，點解啲老師要咁對我？

我同同學講一句野，都比個miss罵，仲要唔係題外話lo.....只係傾關於個miss講緊的野lo....

後面個班女仔訓覺你唔理，係面前個班男仔係度吵到大大聲你都唔理......

而我只同同學講你個堂的野，你都話....

仲要唔止一次，日日係咁，我每講一句，你都要罵，你係咪咁留意我呀？

仲有，商業miss話:你地記得溫書呀！一科唔合格，就留班的，仲有，唔好成日借啲意請假(望住我講的)，咩病假都係借口，早啲訓，唔好成日玩啦~

下？我個刻真係勁想哭.....佢望住我講，根本針對我

1)我真係病的，你知道嗎？我每次復診幾辛苦？返一兩hours學，又去復診，復完又要返學，我係要跑先趕得切......

2)我唔係早訓定遲訓的問題，係藥同失眠的問題

3)下？一科唔合格都留級，咁仲嚴過我原中學lo...8,9科，1科唔合格都唔ok，以前的我，合格唔係問題，而家....

上次test，我溫左成日，溫到12點幾p.m，但第二日我完全唔識lo，我印象我有溫過，但我忘記了....

點解~我自問係呢班已算乖學生.....點解老師要針對我，咁對我，我係各位老師眼中係個壞學生.....

係一個比人針對的對象，係!!!又係我錯......

或許我太過討厭不公平了，係!!!我係執著於公平了....

唉~明知我升唔到班:1)出席率唔夠;2)勁多科靠死背，我一定唔得

原本因原校係因該校太大壓力，搞到我成日入院，我先轉校....

而家間學校要求更高，咩一科唔合格就留級，前中學係計平均分的

比同學玩，老師針對.....

相比之下，呢間壓力仲大.....

唉~我係咪應該聽CPN講入院醫好個病呢？間學校根本讀唔到.......

我真係想過埋生日先算呀!!!原本我係點到唔想入，而家就想過埋個生日之後真係要認真唸下呢個問題......

因為學我已不想返了......