今日我都係接受唔到LO
今日最尾個堂係班主任堂~
講一大堆野，話咩有燥狂同有抑鬱唔係借口，佢唔會比特別優惠呢啲學生....
我想問佢講呢啲野的時候，有無唸過我地呢啲病人的感受？
但佢話因為班主任要為我地班每一個人寫一份report比學校
所以要單獨見~
咩叫單獨見？老師只叫係去教師桌旁同你傾幾句~
你會好難想像到一個鐘見全班30個同學....
仲要你傾的過程會比坐係前面的人聽到......
講真，就算我大把野同佢講，都唔會想比人聽到la.....
所以我已放棄，我只扒係抬上等到我，我先去~
唔知係咪因為我扒左係度，佢最後先叫我.....
其他同學到走左.....
得返我同佢，全班係得我係全個課室都無人的情況下見~
佢第一下，佢就問我咩事咁眼訓？係咪好夜訓？
我o左？我答:失眠
佢又問我係呢間學校讀有咩擔心？
我話我怕我會因復診同入院，出席率會唔夠
佢話:你可以控制到的
我:depression可以控制？
佢:我之前有段時間因為適應唔到工作環境而好唔開心，最後我咪好快可以開心返！
個一刻，我真係無野好講，對住一個完全對depression唔認識的人，我唔知點回應......
我真係好想同佢講depression同唔開心唔同~
同埋我地控制唔到幾時病發.....
但我無再講任何野，因為我真係唔想再同佢講野.....
佢仲問我:答應我，唔好成日唔返，好唔好？
我真係好無奈地答:盡量la
佢話走得，但最後佢仲話:記住今晚唔好咁夜訓了....
我忍唔住了，我要走了.......
唉~估唔到身為老師，對精神病一啲都唔認識，
以為叫佢開心啲就會好返~
唉~我對現代老師好失望......
我都覺抑郁症唔同普通唔開心.最忍受唔到凌晨一點至五點醒來.成日都訓唔著.而其他屋企人又訓得好淋.訓唔著.訓系張床又好多諗..
回覆刪除夜晚訓唔著.日頭成日都好倦...但返緊工或返緊學.根本.............都記得自己剛發病時,都讀緊書.我中四開始睇精科.上好鍾意架老師堂.根本系想趴系枱度訓.........只系.果陣時,有個地理科女老師發現我情緒有問題.曾叫我唔好讀中五因為佢覺得我壓力好大...轉去讀工業學院...我最後都系讀埋中五...考出黎架成績唔好...
[版主回覆10/18/2011 19:00:11]to 金毛:
唉~可惜啲人唔明白失眠係咩？唔知道其實我地都控制唔到lo...
[版主回覆10/18/2011 18:57:58]to 阿u:
係!!!depression會影響日常生活，但普通唔開心唔會，況且影響時間都唔同la...
[gold_keung回覆10/18/2011 17:20:53]當全世界都瞓緊，但自己就像係另一個時空，行又唔係，坐又唔係，但第日又要返工返學！家人發現我無瞓，又問癈問題：妳做乜唔瞓？.....我話：瞓唔着............他：唔好諗嘢咪瞓得着囉！成日亂諗嘢！瞓啦！唔好嘈醒其他人。.........我無奈 (走番係床到又再睇在十次的書..........基本上情況出現次數多，所以D書成日攞來睇.....睇到識背)..........................翌日六點幾，阿媽見我醒咗 (我根本無瞓過)..................食完早餐扮返工，因為我對眼好痛，個人好暈.................出咗門起就撘車唔知去邊，多數去讀書館................坐坐下對眼太痛，局閉目養神瞓咗.............但係勁醒個隻，聽到人地講嘢和D機器運作聲。......九點打返公司請病假.................下午好D先返工。.................失眠好慘！重忙過返工讀書。
首先,唔係Depression過o既人講d野可以唔理
回覆刪除我都有試過見到d朋友話我咁好,應該不會憂鬱
到後來,佢咪又中左招,成日諗埋d衰野
俾佢試下都係好事,等佢知道憂鬱是不同唔開心
唔好咁膚淺,o係度亂up野~
[版主回覆10/19/2011 17:24:00]唉~但佢係我老師，唔係應該識的嗎？
聽得最多係叫你唔好諗埋一面、開心D啦，食藥會好嫁，好討厭！
回覆刪除[版主回覆10/19/2011 17:25:55]係~佢地根本唔明-.-