借口

每日做每樣決定都不停比借口自己，真係好辛苦呀

每天起床，特別係今早，

我感到好辛苦，藥的副作用仲未散....

我真係好唔想返學....

但我找到借口比自己唔返嗎？

因為我想康復？我唔想因為咁而令自己病程惡化？

但呢個借口可以說服到老師同呀媽嗎？

結果我只好返學，

但呢個真係對我最好的決定嗎？

我比自己要返學的借口就係唔想延誤到我學習的時間

但呢個理據又充足嗎？

我咁的狀態返學又真係可以學到野嗎？

我返學真係可以開心嗎？

相反我會因為食藥的副作用令我集中唔到精神而停藥，

咁唔係會令我的病惡化嗎？

返學真係對我最好嗎？

但我真係無一個合理的理由令自己唔返學，

以上的理由根本就唔可以成為我請假的理由，

因為我學校請假要醫生紙呀，

講真呀!!!你如果叫我放長假休息，我不如入院

第1.復完進度一定比在家快

2)我唔入院係因為唔想請假，出席率唔夠，但在家休息又要請，入院又要請，為何不入院？咁有一個好的理由去請假....

但係我而家除左返學仲可以點？

誰可以解答我的問題？

醫生？不能最多會加我藥，上次復診已經係一個好例子

CP？現在每次見我都係做眼神接觸訓練，佢唔會主動同我傾計，所以近來發生的事佢一概不知

CPN？佢唔會提供任何意見，只叫我自己想

學校社工？我唸我唔會同佢講唔想返學的野LO

新生會社工？自從上個S.W離職後，新的s.w無同我聯絡過，連電話都無

唉~好似好多人跟進緊我咁

但誰真正可以幫到我解決到問題？

答案係無的.....