藥物的副作用越來越多
今日開始有小小發熱的現象
今早起床好似無訓過咁，好眼訓
返到學校攞住張復診紙，唸住同班主任請明天下午的假
結果不出的所料，班主任又比面色我睇
話:下？你又請假呀，唔怕唔夠堂呀？
我:我都唔想的
班主任:我知，但成日請假都唔係辦法
我應左佢之後就返埋位，
講真la，我已經早一日同佢請假了，你仲想我點姐？
我地班某些同學成日唔返學，你又唔理，我請個2粒鐘仲要有比3樣野你請假，你仲想我點？
我相信無人學我咁比3張野佢請假(前一日把復診紙影印比佢，之後一日比家長信+醫生紙)
之後發生的事我仲.....
等全班返齊黎，佢又發表佢的論文了
佢話:你地唔好用你地黏線做借口成日唔返學，我唔理你係燥狂又好，抑鬱又好，仲知唔可以成日唔返學(之後佢望左我一眼)，呢度唔係青山呀!!!
唉~個一刻我好想哭，
你估我好想請假？
你估我好想有病？
你估我唔想好似其他人咁唔洗成日返醫院嗎？
唉~我唔止聽日要請假呀，我星期五都要請，
我都唔知點開口同佢講我要請星期五的假...
佢真係遲早逼到我入院~
我真係忍得佢好辛苦....
我記得醫生同我講過:你到而家都仲未入院，已出乎我意料之外，你已經好叻了!!!
唔通我真係唔可以再支持下去
妳的老師好有問題, 有機會綠他/她所講的說話, 再交給社工惑進一步行動. 讀書除了學習知識, 德育同樣重要. 你老師在這方面的水平很低. 嚴格來講係無知格教學. 學校不是軍訓的地方, 不應用這態度去對一些有病的學生. 特別係我地這類病人.
回覆刪除[版主回覆11/09/2011 08:48:29]老師要上課前收手機的，錄唔到@@唉~老師根本就係為份人工而做，都唔係用心做的
小身身體 =/
回覆刪除[版主回覆11/09/2011 08:31:16]多謝
你們的班主任實在枉為人師，我的學生無論有什麼問題我也不能當著班裡說他們黏線的。如果學生真正精神不好，做老師的更加要特別照顧，而不是出言侮辱。你儘管告訴醫生和社工這樣吧，我相信不必錄音，他們會相信你的。
回覆刪除人就是會欺負一些他們能欺負的人，老實，如果你連假也不提早請，索性像其他同學一樣說不上就不上，他反而對你沒耐何。（而且你有的是假紙，追究起來拿出一疊，他就沒話說）當然，你負責任也是好的表現，如果學生提早向我請假，我會在班上表揚他的（因為大部份學生說不來就不來）。
學校就算有規定學生上足一定堂數，也沒理由不讓學生生病。班主任著其量在言語上留難你，因為萬一你吵到校董會，吵到外頭，理虧的是他。所以，不防學習你的同學（我說的是，至少兇起來），問心無愧的話，當面還他一個眼色。
加油！
－－老師（之琳）
[版主回覆11/09/2011 14:59:12]唉~如果你係我班主任咁幾好呀
你個老師业架...我記得我中四.五個女班主任.知我睇精臣科.佢都叫我放心去睇...
回覆刪除[版主回覆11/09/2011 15:22:52]我以前間中學的老師唔會因為我復診請假而話我，。反而會叫我慢慢來
你老師好唔識尊重都咩叫私隱。如果可以既話，同佢講個日無帶手機唔交出去，偷雞拍低佢放上網，等佢自己受下都好。
回覆刪除[版主回覆11/11/2011 19:11:59]唉~我怕比佢發現就慘了
你那來的耐性，他不配做老師!!!!
回覆刪除[版主回覆11/14/2011 17:13:55]唉~我都係第一次見咁的老師