見學校S.W+醫生+MSW+cp小組

今日學校社工一早係西鐵站等我，

陪我去覆診，

我地途中都係閒聊，

去到等下等，

咁又係見醫生時間了，

係學校S.W的帶領下，

我同醫生講左我比人跟蹤，出街會比人講我壞話，

但個醫生無咩反應，

只係應左一下~

之後佢問我做義工的狀況，

又問下學校s.w咁囉~

但佢居然又cut咁我一半啲藥，

我上次就係因為佢cut左我一半的藥之後，

就出現比人跟蹤，出街會比人講我壞話的狀況，

之後好辛苦咁搵替假醫生幫我較返d藥，食返原本的份量，

但佢而家又cut返，唔會仲衰嗎？

我應該仍然相信佢嗎？

佢係我主診，我唔相信佢，可以信邊個呀？

但佢咁樣cut我啲樣，我真係怕會越來越差，

我病程差左唔係應該加藥，

點解反而一次過cut晒我d藥？

我真係唔知仲應唔應該再信佢？

之後學校s.w走左了，

我見MSW，

同佢一齊食lunch，

講到我比人跟蹤，出街會比人講我壞話，

我又哭了><

講到鼠鼠，我又提返起爸爸，

我又哭得更厲害，

係公眾地方係咁哭，

比人望住><

唉~之後再上CP小組，

都係做下靜坐，

討論下d功課，

無咩了.......