今日一早去左見CP，
等左半粒鐘先到我，
入到去，佢問左D例行性的問題之後，
就叫我攞D英文黎讀比佢聽，
唔識讀時，佢就教我，
個一刻好似補習班...
之後，佢問我有無野講，之後我：無...
咁佢又繼續睇功課，
佢：記住，每家人都有死過人，我都有，死離死別係人生必經的階段...
我哭了....
佢：最重要係咩？我：珍惜身邊的人？
佢：係，珍惜此時此刻所擁有的朋友同親人，要全心全意活在這一刻，和佢地係埋一齊的時間，因為如果掛住唸其他野的話，就唔係全心全意....
佢見到我功課有一度寫：因為係我的錯，所以身邊的人先有事....
佢問我咩事，我話因為我同學同呀媽都有事(詳情睇返琴日)
我哭得好勁，
佢話如果我真係可以咁，我就第一個就應該要害死害國家的人啦
佢話無人有咁的能力....
佢又話擔心同驚對件事無幫助，唔會因為咁而無事同好返，只會令自己唔開心....
之後佢上網唸住搵D書名比我借，點知搵唔到，
佢話下次先，佢同我講佢7月6至16放大假，
下星期再見了...
見完佢，我同同學食小小野，又返學了....
返去當值，派咭比同學寫比老師，
好多同學都唔肯寫，比人拒絕，真係好唔開心...
但唔理得咁多....
當完值，再上去整壁報，
終於整完，只欠我D禮物....
學校SW同我地講，
搞完呢個活動，仲有其他壁報要整，
要差唔多10個，8月中要完成，
即係之後個暑假都要努力...
咁對我係好嗎？
返學校起碼有人睇住，
起碼有野做，同埋有咩都可以即刻揾SW講....
咁係件好事嗎？
暑假係我入院的高峰期，
今年可以唔洗嗎？
唔知，我只想要正能量，可以嗎？
建議妳多看名人傳記，或是世界名著的中譯本。參考別人的經歷。相信妳會發覺很多比妳更不幸的人，他們是如何活過來的。近日有一位演說家來了香港，他是天生沒手沒腳的哩！
回覆刪除[版主回覆06/12/2013 11:38:41]我知道，我屋企有佢的DVD
╰（￣▽￣）╭ 端午節快樂 !
回覆刪除[版主回覆06/12/2013 11:39:01]端午節快樂
暑假有人陪, 幾好呀! 我以前都喜歡暑假回學校, 覺得自己好特別嘛。
回覆刪除正能量輸送, 接住啦!
[版主回覆06/12/2013 11:39:14]係呀，多謝你
一定係件好事，
回覆刪除根據一行禪師的建議，
要專心做，
練習一下放鬆，
唔諗咁多野，
習慣了，
你平日都會心境平靜，
開心 d 架。
.
想要正能量，
一定有，
俾 d 信心自己呀。
.
經常看你的 blog ，
覺得你比以前積極得多，
繼續努力呀。
[版主回覆06/12/2013 11:39:52]有時都專心唔到，但好過無。
多謝你，我會繼續努力的
事旦啦! 有得去又有疑惑 ! 冇得去有胡思亂想 ! 人生只是一場遊戲，有時候何必太認真呢 !
回覆刪除[版主回覆06/12/2013 19:49:07]咁又係
祝我的名字不叫悲傷浸過龍舟水，開心又快活！
回覆刪除[版主回覆06/12/2013 19:48:40]多謝你
原來你呢個暑假要返學校，負責整嘢整到八月中，咁你要俾心機整好啲，全心全意整靚佢，唔好再諗其他嘢啦！
回覆刪除[版主回覆06/13/2013 13:59:23]係，要全心全意
咁你的禮物做晒未呢?!!
回覆刪除[版主回覆06/13/2013 13:58:55]整就整曬，但就未包
係件好事..... 正能量到到到到到
回覆刪除[版主回覆06/13/2013 13:59:33]thanks
CP講得好啱,你無咁大影响力,唔好將所有唔好嘅野,都同自己拉上關係! 我回答你最後嘅問題: 只要有信心, 你一定可以!
回覆刪除[版主回覆06/13/2013 19:40:17]係，希望係咁啦，多謝你