見CP+醫生+學校SW+MSW

今日一早起身就去左見CP，

因為我出院第一次見，

無覆診紙，要去護士站度印，

點知個度的電腦壞左，

等到9點半，佢先比到我，

因為過左鐘，佢先打比CP，睇下有無症先OK，

點知CP今日唔係門診，所以無症...

去到，都係傾左暑假應該做D咩，

佢叫我去圖書館借D語文的書睇，同埋借D小說睇，

其實今日見佢我好眼訓，

所以都無咩心機講野，

所以都無咩野講....

見完CP，去左見醫生，

等2個先到我，

等左45mins先到我，

入到去，醫生話佢自己好攰，

但社康係我入院個日比左封信佢，佢話太多字唔想睇，

佢：比你睇，你睇完話比我知講咩啦

我一睇，嘩~入面寫我原來一共入左11次醫院，6次OD的紀錄，

又寫左我個日咩事入院的過程，

見到都嚇死，

醫生：睇完未？講咩呀？

我：唔知呀(知都唔講)

佢攞左黎自己睇，之後又話今次入院，令我排版多左6張紙，

又重左了，佢：醫生就快攞唔起你個排版了.....

佢：有無食藥？一定無啦

我：有呀

佢：今次咁乖呀？咁1個月後再見啦

之後見完佢，學校SW已係下面等緊我，

佢同我講佢1點就要走，所以要快D找地方食野，

我一邊行，一邊講今日見醫生的過程，

又講左敬師日的安排，

佢又話佢之後要聽一個關於PD的講座，

之後食完野，就送左佢搭車，我又返醫院了，

個陣係1點，我約左2點半見MSW，

即係我要等....

見MSW時，佢講六四，佢話我琴日有去，又話佢地好擔心我地下一代唔知係咩黎，

所以佢叫我下年去.....

之後講到著假的活動，

佢叫我去補習，又叫我學D野，

唉~佢又唔知而家呢D野好貴，

佢又明知我屋企的經濟情況，

算啦，我無同佢講，我講過見佢，我唔會同佢講我的感受同睇法，

因為我唔想再同佢吵，

今次都係無約下次，

講真啦，我見佢已變左好無意義，

但唔知點解次次見完佢，我都好頭痛，

但明明今日無同佢吵，但都好頭痛，

咩事呀？今日一返到屋企，太辛苦，所以要訓下了~

訓完，都好頭，唉~又繼續整禮物....

今日見左4個人，由9點到3點半都係醫院，好攰，

我唸下次真係唔可以咁，因為我好辛苦，唉~