見醫生

今日返左醫院復診!!!

主診醫生回來了!!!不用見替假醫生.......

CPN係我去復診之前已經打左比我，

同我講佢今日唔得閒陪我復診，CPN仲話覺得我可能開始復發，佢話我呢排太多壓力了......

叫我食返藥，我話唔想再比老師話我係去左玩唔訓覺......

咁眼訓，所以唔食.....

但佢話怕我會發作，一係叫醫生轉藥，一係就退學.....

之後佢就打左比我主診醫生了.......

之後我就去左醫院等見醫生，

今次係我出左院以來，見得最耐的一次.....

見左4個字多1,2分鐘，

可惜我見咁耐就哭足咁耐-.-

以下係大概的內容:

醫生:聽人講，你無食藥，你無食幾耐呀!!!

我:出左院之後食左2-3星期，之後就無食了，大約2個多月

醫生:點解唔食？

我:食左都無用，咁咪唔食lo

醫生:你又知無用？

我:我覺得lo

醫生:無得咁的.....咁你一直都無食？

我:上星期復完食左幾日，之後比個班主任話完咪唔食lo

醫生:話你咩？

我:我就講晒比同學蝦同比班主任話我的事出來(其中包括我食左藥眼訓比班主任話我去左玩的事)----->之後我就係咁哭

醫生:我同社工會同你學校個邊聯絡下的，咁你返學係咪好唔開心？

我:唉~可能我比上一間中學的老師蹤壞左，佢地唔會駡我的，而家比老師話兩句都唔得，仲要比佢地無理地駡......

醫生:可能你住得耐醫院，病房姑娘又咁疼愛你，你一時唔習慣姐~至於個啲同學，bully的野，每間學校都有，你要識保護自己呀!!!咁你呢排仲有咩事唔開心呀？

我:唉~我呢排晚晚都哭!!!搭車都哭~搞到車上啲人望住我，但我又忍唔住.......仲有我好掛住佢呀!!!

醫生:佢地都係好奇姐~佢地以為你失戀呀!!!你喊左舒服啲咪喊下lo...仲有呀!!!佢走左都4,5年了，你唔好再唔開心了......

我:但成日哭咁都唔係辦法的

醫生:所以你咪要食返藥lo(咁都比佢串到><)我同你轉過晒啲藥la....Q仔唔好食了，食返你兒科個陣食個隻la....食住一隻先，再加隻鎮靜安眠藥la....好唔好？

我:是旦你啦~

醫生:又是但？成日都是旦!!!咁就食citalopram20mg+valium5mg la....

我:隻隻藥都係咁的，無用的....

醫生:你之前食過都ok的，試下la.....係呢!!!你鍾意兒科的CP多啲定而家的CP多啲？

我:兒科個CP就正經啲，而家個CP就成日講故事lo

醫生:咁邊個好笑啲？

我:而家

醫生:咁姐係你鍾意而家呢個la，佢真係對你好好，好疼愛你

我:佢1week見我一次，其他佢都會間中打比我

醫生:CP好忙的，佢好小對人咁好~佢真係好疼愛你呀!!佢當左你係佢個女，好了~唔好哭了，下星期再見La

我:再見~

醫生:係呀!!!你要答應我唔好自殺，我好擔心你呢排會出事!!!答應我好嗎？

我:下~有分別的嗎？

醫生:有~你呢排情況唔係幾好，好la，再見!!

我出到去，啲人係咁望住我，唉~我一定見得太耐，阻住後面了

而家我由11粒藥減到得2粒.....

我會用呢兩日試下，睇下頂唔頂到啲副作用

唉~我真係好似成了一個最難搞的病人

講真la，我真係有唸過死的，

但我知道過去我已令好多跟我的醫生，CP，SW失望

甚至想放棄我.....

我知道我唔可以再讓佢地失望

唉~但我又可以支持得幾耐呢？