CPN的來電

琴日傍晚收到CPN的來電

係佢琴日的第三次來電-.-

呢次一傾就傾左40mins......

原本佢係打比我問我見醫生的情況，

點知我同佢講我哭足見醫生個20mins

佢話醫生轉個2隻藥係分量非常之輕

會無咁眼訓，叫我試下~

我話食黎都無效，食黎做咩姐!!!又眼訓~快至比老師駡la

CPN:啲藥要食幾個月先明顯見到有效的，而如果要好返，一定要食年幾......

我:下~幾個月？咁我都捱唔到咁耐la

CPN:你試下la

我:哦!!!呢幾日試下la，還假期唔洗返學!!!

CPN:都話要食年幾絡.....你同我講比3日時間隻藥？

我:我知~但我怕眼訓比班主任駡呀!!!

CPN:副作用一定係最快出先的!!!你都病左4年la，係情願病都頂唔順啲副作用？唔通你又想入院？到時我地所做的野就白費了~你學校都又會好似上一間中學咁要你退學的，你想咁咩？

我:唔想!!!

CPN:雖然我識左你先3個月，但你的history話我知你一成日哭就出事了，你話你怕見返到學校同老師都係焦慮的徵象來的!!!我唔係同你講笑，你真係要食返藥呀!!!

我:哦~盡量la

CPN:如果你星期一好眼訓就唔好返學la

我:下~唔返？唔返一日無醫生紙，出席率唔夠要退學的

CPN:你病發入左院，咪又係要退學？我情願你而家唔好返呀!!!咪下年再黎過LO

我:下？

CPN:講真？你都唔鐘意間學校LA

之後佢話情願我食藥好過返學.......又問我想唔想死？我答佢:今日醫生先叫我答應佢唔好死!!!

最後佢比左啲求助電話比我，叫我唔開心打呢電話，哈~你估我會打咩？

又叫我有咩事自己走去急症，如果無自殺到，一星期就出得!!!

唉~邊有人自己入院咁傻呀？

琴晚我食左valium，今早起床無Q仔咁眼訓(有小小la)~BUT 好頭暈頭痛，仲想嘔tim....都幾辛苦的

至於citipam我仲未食~我想等valium的藥散左先食~等多一兩個鐘先la.....

唉~我真係好想返學!!!我情願唔食藥~唔返學就無前途了~同埋無左寄託，雖然返得好唔開心，但我唔返學，仲可以做咩？

不過，希望藥同返學可以共存la.....