見醫生+CP+CPN

今日一次過見左3個人，

我去到醫院等見醫生的時候，

就打左比CPN(因為佢話同我一起見醫生同我傾藥的問題)

我CALL CPN的時候，留意到見開我的醫生放左假

之後CPN就來左了，我同佢講，個醫生唔係我主診

個CPN就望下個醫生名，說:嘩，呢個醫生見CASE見得好快的

唉~我個陣好怕，

因為我之前的主診好多事都好遷就我

除左我入急症，要DMO(當值醫生)見我

如果唔係，我係唔洗入院的

但今次係見替假醫生，我怕........

不出我所預，我一入去，個醫生就話我個樣好depress

好彩CPN同我解釋，

如果唔係就......

最後CPN同醫生講不如減藥，一係轉啲無咁眼訓的藥.....

CPN話我怕啲藥眼訓，會唔食藥....

但個醫生話我的depression係非一般的，食普通藥係唔好，

一定要食返呢啲，同埋一定要食Q仔

佢話Q仔對我呢種特殊的depression會有效

唉~最後，佢只肯把我的q仔減一半份量，其他照常

呢個醫生真係見得好快，無5mins就說再見了.....

之後見CP，CP打左比我班主任(詳細發生咩事請看琴日個篇見CP)

班主任終於有聽電話，CP建議班主任change我個坐位

希望星期一班主任真係有做野

之後個CP就同我練左一啲如何拒絕人的場景訓練

整到CP見到我無食飯，佢要食餅乾做lunch

一點9先見完，見左粒幾鐘.....

佢最後仲同我講驚就兩個人驚，叫我記住條路仲有佢陪我走.....

我返到屋企樓下，CP又打比我，問我情緒有無好啲，

佢又話下星期我復診前會日日打比我問我情況(除左星期二假期)

呢一刻我真係好感動呀!!!

多謝你呀!!!CP