見醫生+CPN

今日我見左醫生好耐~又差唔多半粒鐘!!!CPN同我一起見

我一出黎比後面的人話：終於出來了.....

以下係大約的內容：

醫生：呢排點呀？

我無出聲，我唔敢講呀~

醫生：唔洗驚，同醫生傾下計啦~

我都係無出聲，於是CPN比左封比醫生...

醫生睇下睇下，佢問：星期三發生咩事呀？

我望一望CPN，CPN叫我自己講....

我：食左好多藥~

醫生：點解？

我：我唔想見班同學，唔想見老師.....

醫生：班女仔？所有老師都唔想見？有無一個你想見的？

我：無....

醫生：咁食左藥之後點呀？

我：之後見未死得，咪再食LO

醫生：星期日？

我：係....之後我係咁哭.....

CPN同醫生講佢同MSW都好擔心我，但因為考試，佢話相信我呢幾日都應該安全，但佢同醫生講，叫醫生不如考完試比我入院......又話唔知點解佢收來收去我都仲有藥~

醫生：我下星期會見佢的，比佢考完個試下星期再傾LA......之後佢同我講：你唔好再係咁了，唔好令到我做啲唔想做的決定呀!!!!

我：我真係好辛苦呀~我好怕見到一個又一個的分數，又好怕見到學校的人，我真係好驚呀!!!(我哭得更厲害)

醫生：你唸野唔好咁負面LA....你今日係唔係考試呀？

我：你又知的？

醫生：估到LO，準備好未？

我：唔知~

醫生：唔知即係準備好LA

之後CPN叫醫生下次唔好咁耐先見我，快至我又........

醫生：都下星期了，佢又同我講，你有一半分都算叻的了，醫生都唔係好高分，合格就得了....你答應左CP 23號見佢前唔OD的，你可唔可以答應埋我？

我：係，但我怕我做唔到

醫生：答應左就要做的....唔係我同CP會嬲你的.!!!!

我無再出聲

醫生：你唔出聲就當你答應左醫生了....下次再見LA，BYEBYE

我：我無答應的......

下星期再見.........

之後返學校考試，唔係好識.....

之後返學CPN黎左我屋企收晒我啲藥，

連Cutter 都收埋~

最初我唔肯比佢的，我仲串佢，你收左我咪可以再買~

佢話佢知，但佢要盡責任咁要收.....

結果我比左佢....

所有可以死的都比佢攞走晒!!!

佢最後仲同我講叫我唔可以再OD了.....

而家我無左Cutter周身唔舒服呀!!!

我可以忍到去下星期嗎？

我可以尊守到對醫生，CPN同CP的承諾嗎？