呢3日(見醫生)

Sorry，我呢排真係超忙，

一係打左Blog，又唔覆你地的CM，

甚至成日唔打Blog，

因為真係太多野做了...

我之後應該會好D，

但我預告一下，我星期五晚上又要出去咩頒獎典禮，

起碼11點先返到屋企(仲未食飯)，

所以個日都唔會打Blog....

而家打返呢幾日的野，

星期一：早退覆診，

由ICCMW(新生會)社工陪我去見醫生，

今次我去到一入到診所門口，

我都未比收據比姑娘，

個醫生就出黎叫我個名，

之後佢先發現姑娘未比排板佢，

佢去姑娘度攞左我個排板就叫我入去...

SW同佢自己自我介紹，

之後SW同佢講，咩我訓唔到個D問題，

我醫生好似完全無聽過佢講的野，

自己係咁睇排板，

之後SW講完，佢就問我：你上次見我到而家見左5次CP？(之後佢數曬D日子出黎)

又話：點解你見來見去都係咁的？都有7-8分Depress？

我：唔係呀，我1年前10的，但我呢排真係唔係幾好....

佢：但我上2次見你，你好似仲多唔開心野發生啦，但點解你而家仲好似仲差過之後咁既？

我：係呀，聽到好多聲同覺得有人跟住我(之後我又講左我教會D教友點對我比佢知)

之後佢叫我唔好理佢，咩又話我唔應該太注重D唔識的人點睇我，

又話我唔需要要個個都鐘意我....

之後佢話咩問我上次OD食左咩，佢話報告話我有佢D藥的成份~

我：下？我有時會食你D藥，所以咪有囉~我有時會食2粒，2粒都叫OD？

佢：2粒唔叫OD？

我：係呀，咁如果2粒都叫OD，我每次食你D藥都叫OD啦...

佢無野講了....

之後佢又話我排板好重，

又叫我開心D...

最後一個月後見(但開左一星期藥)

其實佢開黎係唔係玩我呢？

哈哈，D藥係要日日食，之後咁樣比我，

食下唔食下，咁仲衰~可能佢咁做都係做樣SW睇~

SW出到黎，佢話我醫生趕住收工，

因為一見完我，佢走左了....

之後SW都走了，佢約左第2個病人，

而我都約左個朋友，佢要比D野我，

佢去醫生搵我，傾左陣，之後出左去食野，就返屋企....

晚上，呀媽忽然收到電話話大陸的表哥同未來表嫂3人4月30日黎HK，

唉~咁多野做，佢地仲黎，我一定無得做功課啦.....

之後我就係咁做功課，

做到2點幾先訓~

琴日，我返緊學已經黎到了~

放學，佢地係我屋企，

好彩，最後佢地決定了去我伯婆度住，

但琴晚都要同佢地同伯婆個邊的親人去酒樓食飯~

唉~我好唔想去，最怕見咁多人，

但唔去，我又怕佢地唔識路~

去到，我好想哭，因為唔知點解我好驚~

之後又比人話我唔佞野，又話我成日掛住做功課....

唉~我真係想用做功課黎唔想同人咁多接觸，

算啦，佢地全部都唔知我有病....

今日我又做功課，終於做左80%了，

但我Maths唔識，今次死了，

下星期考試了，我連功課都唔識><