見新MSW

今日因為唔洗考試，

所以唔洗返學，

今晚有FD經歷左戲劇化的過程

(我都唔知點形容，但因為係佢的私隱，我不多講)，

之後琴晚好夜咁入左院，

但之後我都盡量同佢Keep住聯絡，

今日早上因為我都會去探佢，

所以我順便見下MSW，

我執左D日用品去，咁就去左見MSW，

未出門口，我又暈，又頭痛，最後嘔了....

其實只食左小小早餐，

係因為呢排壓力太大？

係因為琴晚無咩點訓？

我都唔知，我只知呢排太多野發生，太多野要處理，

我真係好攰，好辛苦!....

去到見MSW，

我無咩點同佢講野，

一黎佢問我：你記唔記得上次我地講緊咩？

其實我只記得吵過，之後都忘記了....

我：忘記了，太遙遠了....

佢：咁點解要黎？講過咩都唔記得，咁黎做咩？

我：唔知呀~

佢：咁你今日有無野要講？

我：唔知

佢：咁即係無啦

之後佢係咁係度數有咩SW跟緊我，之後又問我其實我見佢黎做咩？

我無答，因為我知我答咩都係錯，

唔係咩？所以我唔答就算~

我知，咁樣見佢就變得更無意義，

但我今日心情好差，又好攰，真係唔想再同佢有機會吵...

之後就走了，都無約下次...可能佢已經唔想見我....

比預計早左30mins見完，所以我見到另一個FD，

佢原本唸住同我一齊探病，但佢唔得閒，最後佢買左小小野叫我比...

我係病房門口一路溫書，一路等探病時間(仲有1粒鐘)

之後我見到C，等左一陣，就一齊入去，

原來佢已有社工在，仲已經出得院，

之後我地3個同佢出院，我同左C傾左一陣，

我居然哭了，可能我真係太攰~

之後我見佢已經2人陪，我就放心了，自己返左屋企先~

同呀媽食左小小野，訓左30mins，開始溫書，

我又哭了，其實我知我自己就快爆，

我知的，我知，

我想講，我而家的狀態一定比之前有人過生的時候差....

我的身體已有所表現，同我講：我唔可以再係咁.....

我一方面識叫人唔好用逃避黎面對問題，但我自己呢？

我自己咪又係咁？我呢排咪又係係咁唸出N咁多過呢D方法？

有人問我：而家咁多問題，我只可以選一樣黎處理(e.g:考試，朋友，家庭，情緒)，我會選咩？

我唔知，樣樣都好重要，

但事實上又一次過出現咁，

我都好想休息的，但我真係唔得呀，

唉~好了，發泄完，溫書了...