見CP+MSW

今日係星期三，

一早返左醫院見CP，

原來星期一見醫生時，

醫生寫左我係學校SW陪我睇，

我同CP同O左咀~

完全唔知搞咩，真係不得了....

今日見左CP 一粒鐘左右，

又哭左好耐，

CP叫我咪埋眼唸下5年後，10年後，甚至20,30年後，呢件事仲會唔會好似而家咁大~

又話如果有個姨姨佢大肚，但忽然間無左，

咁D人問起佢，佢應該答唔答~

我都同左佢講，我呢幾日返學都好辛苦.....

佢叫我返到學校想哭就哭，係無問題的，

再唔係聽唔到書就做其他野，

直至老師話先收埋佢，

再唔得就做Mindfuless~

佢話我聽唔到書都好過唔返學，

唔可以衰比學校睇~

佢仲話當我大過左之後唸返，

就知道佢今日逼我返學係為我好，

如果我真係唔返學，就入院抖下仲好~

佢話佢放假，11月11日先返工，但佢都想個日見一見我，

叫我唔好比壞消息佢~

其實佢已經打左3次比學校SW，

但都係搵唔到，唉~算啦，我對呢件事希望唔大~

佢今日同我講左D關於辯證行為治療（DBT）的野，

佢話係佢之後想同我做的野....

每次見完CP，正能量都可以Keep到一兩日，

今次耐左見，可以Keep耐D嗎？

見完佢，返左學，

派卷，超低分，不在狀態下考的卷，又點會高分？

但估唔到會咁低，係間學校讀左咁耐，最低分呢次~

英文科，班主任打左比我兩個同學話佢地唔合格，但有得補考，

我係度唸，我分分鐘係唔合格，但無得補考~

可能得10-20分~

唉~如果係咁，只會令我唔返學的理由仲大，

因為我真係好辛苦><

放學去左見MSW，

佢又係叫我唔好中學校計，

如果因為咁唔返學，

佢地就有大條道理唔比我去，

又叫我最多比多一星期時間比自己，

自己去問班主任結果~

唉~佢自己唔同我講，我都估到唔比我去啦，

我唔問，唔係代表我唔緊張，

而係我唔想佢地親口同我講：唔比我去~

唉~有時候我都想知條路我應該點行落去....

今日第一次只係呢個Blog更新，

今早一起床，見到舊Blog仲未變唯讀，

就即刻回曬D留言先，

結果Lunch個Blog就變左唯讀，

有D唔開心，但可能我已經好煩，

呢件事已經係咁多件事上好D~

至於舊Blog的Post，

我真係想自己心情好D同無咁多Test我先搞~

但我會盡快的，一定會係10月前完成的....

至於舊Post，大家暫時請去返我舊Blog睇返啦~http://blog.yahoo.com/depress-and-sadness/