第一日開學

今日係第一個學期的第一日返學日，

第一堂，班男仔同女仔就吵到拆天，

個女同學遲左31mins，

由於我地學校遲到超過30mins就當個堂無返，

所以個女仔一返到黎勁激動，

係咁叫老師改返佢早一分鐘返黎，

又話自己病到死死下，

都返黎，算比面，又話自己搭的士返黎，

個呀SIR當然唔比啦，

個女仔越講越大聲，

又話早知就唔返，

吵左成粒鐘，

某男仔又加入，又話佢吵住佢訓覺，

個男仔用2張椅拍埋訓，

之後個女仔當然唔服氣，

用把傘係咁插個男仔的肚，

個男仔咪發脾氣囉，

之後個女仔又係咁叫呀SIR同佢改返個時間，又話自己病左......

唉~病左就無咁好中氣啦，講野鬼咁大聲，

吵到死.......

最後的班主任堂，個男仔投訴個女仔好吵，

個女仔又叫個男仔收聲，

唉~我呢個眼訓到死死下的人，好頭痛呀，

今日成日去厠所，一轉堂就去，急到死死下.....

又手震，又眼訓，啲副作用超辛苦呀><

剛剛見到某FB的朋友，把一張界手相POST左FB，

比佢的朋友係咁話佢好幼稚，又話佢低B，又話係一個好MK既行為，又話DEL左佢FB，又話佢係不值得人關心 可憐 ..弱智

個一刻，我好嬲，我好嬲話佢的人，

我好同情佢.....

因為我好明白佢呢個時候係最需要人關心，

唔係應該罵佢，

其實你估佢想的嗎？

佢都係唔開心想發泄下，

有時候，根本就係控制唔到.......

佢呢一刻會感到好無助，好辛苦，

點解反而得唔到人的關心而係比人罵呢？

講真，我介手，

我都試過比人罵，我都因為怕比人笑而成日都要蓋住唔比人睇，

個種感覺係好辛苦的，

低B，幼稚......係我覺得最難聽的說話，

講真，如果一個人真係控制到，又無唔開心或者有其他方法去解決，

邊個想用一個可能會比人笑，甚至留下傷痕的方法去解決？

或許呢啲野會好小人會明白到當時人的感受......