今日係咁咳，
好辛苦><
後日就見CP了，咁快就過左3星期了，
最初的時候，真係好掛住佢，
有好多野想同佢講，
但而家的我，
居然唸唔到同佢講咩好，
或許3星期不見，
感覺上會好陌生，
係呢3個星期裡，
真係發生好多野，
係短短的一頭半個鐘可以講咩呀？
係學校，我真係好唔開心，
DEPRESS到連咩動力都無，
自從睇左2星期之前的警訊之後，
我晚晚發惡夢，
我又見返個衰人><
上星期五轉左藥，
我.晚晚都係天光先訓到，
訓得個2,3個鐘又要起床......
無錯，隻新藥令我有返小小動力，
起碼肯出街見人，
但訓唔到真係好辛苦，
我仲有好多野想同CP講，
但我又深深知道，
到時會因為好耐無見，
有種陌生的感覺令我同唔到佢講野~
唉~我係咪好失敗呀？
你可以現在寫低住現在想到想講既野! 到時取出來比CP看, 再詳細些傾談, 就唔怕驚到唔記得左啦! 可以見CP既機會的人真的不多架! 也是一種緣份! 我就沒有正式見過了! 上COURSE就見過, 但沒有可能傾私事, 是廿人一班的!
回覆刪除[版主回覆02/02/2012 14:20:20]其實我都好依賴我社工的，唉~我都好怕佢地close我file><
[Ma回覆02/01/2012 23:26:46]多謝你的分享, 我舊年也問過我的社工意見, 我就係怕博唔過, 把一些埋藏在心裡的心事, 再次撩動出來之後, 令自己陷入於昔日的痛苦中, 到時更加忘不了忘不了! 我見他們的次數又唔可以密! 所以令我拖來拖去都未可CLOSE FILE, 社工對我說好少人會看足一年, 看了十幾次， 都唔得, 若然再無進展, 就要CLOSE FILE, 令我好失望，所以之後，＂我有時要扮到見她時＂，好似改變好了一點點，她知我好依賴她，也可能是這個原因，所以情緒停留係到，平靜唔到，我都好矛盾！理智上是明白，行為上又唔改變！
[版主回覆01/30/2012 18:52:57]對我黎講真係好輕><不過可能醫生覺得你無咁的需要去食咁多藥，食得多藥唔好的
[Ma回覆01/29/2012 23:42:59]我問過現在見開的醫生和社工是不可以轉介我去看CP的, 最初我看了幾個月, 就叫我轉介去精神科和CP, 我當時唔係看精神科, 我話見CP就得, 他們話這樣直接轉介唔到, 明明就係樓上那層樓, 醫生話一定要我先看精神科先, 太約等4-8星期, 由精神科醫生再轉介去CP, 去年以我所知, 我現在那間EKNH要排期等約見半年, 才可見CP, 之後就不了了知, 因了解我的醫生知我抗拒見精神科, 我話傾十分鐘有什麼用? 又係只得食藥, 而現在我見普通科的心埋健康治療醫生可以傾20-30分鐘, 心埋健康指導社工又可傾20-30分鐘, 所以才難取捨, 這樣又看了一年多了, 現在每晚食75MG Zoloft Sertraline and 2 - 4MG Diazepam, 這樣的成份對於你們來說是輕嗎? 我提意過....不如食重D....比醫生即刻鬧我, 幾驚呀! 他很少那麼惡架!
[版主回覆01/29/2012 20:04:23]其實係睇下你去睇咩醫院，CPH就一定要見醫生先可以見CP，但我之前係QEH睇就係 我係社工轉介我見CP的，中途無見過醫生都可以見CP，而我識人係TMH睇都係只見CP，無見醫生.....，所以睇下你去咩醫院，就有唔同的安排
[Kawai回覆01/29/2012 19:24:16]唔可以只見cp唔見醫生 (我都想唔見醫生,因為我又唔使食藥都唔知見佢做咩)
cp親口同我講,佢地係under醫生的,要見佢就要先見醫生,唔見醫生就冇得見cp
[版主回覆01/29/2012 10:39:38]嘩~好詳細呀，希望幫到Ma啦^^
[911的女孩回覆01/29/2012 08:19:03]回覆ma :碰到了解自己的人是很難得。但有啲case 係見左精神科醫生，醫生覺有需要或你可試要求轉介見心理，有些病人只需見心理而不用再見精神科醫生的。另有些自願機構也有提供心理學家服務，有些要收費，有些不用，就要看你的問題是否那機構服務的對象。我曾經試過醫生同社工都明白了解我，但問題就是卡住停步不前，其實同時間是有見心理，但感覺她態度差沒心理會我，我見她也是應酬醫生。到其後發生了一些大事，我發現社工的有限知識也幫不了我，醫生是幫到，但問題仍進前不了，於是醫生就提議我不如轉心理學家，但因要重新排隊，而我當刻又很辛苦，於是我三口六面同cp 傾我不滿，奇怪地，到今天我們的溝通進步了很多，她仍成了我最信任的人之一，反之因性質改變了那社工也不能再跟進我。
但現在幫我最多的是心理。
我說我的故事是想你有一個參考，有時身邊的是好，但若問題是卡住，就要勇敢作一些突破，當中可能要付上代價，亦可能轉變是達不到預期或是比現在差，但轉變就是在問題沒出路時唯一的機會。
或者你可以和信任的醫生和社工先表明你想嘗試，但若不合適時可否維持原狀，因你真的很需要有他們，看看他們的反應或聽聽他們的意見。才再決定下一步要怎樣走。試下吧!我醫生曾經也想我有新突破要轉醫生，但我表明他如何幫到我及若新的替代不了他我可能會更糟，但因為我相信醫生你，所以你仍決定要我走，我也會去試。最後醫生也維持他繼續睇我，因為他很了解我要對一個陌生人信任是要很長時間和最後合不來要轉回給他我又要重新適應，就決定不轉走我了。還有的是，你不說，醫生有時並不知道自己有幾幫到個病人，邊方面幫到病人。或許醫生想轉我時是感覺不能再幫我，所以溝通很重要。若你相信你醫生很了解你，也給信心他會給你最好的建議。希望你可享齊人之福啦!加油^^。
[版主回覆01/26/2012 09:45:54]唉~我會試下寫的><希望我到時比到佢啦......見cp幾耐一次其實係睇你病程同埋睇你見邊個，如果跟你個個又好人，有無咁多證，就視孚你的病程，嚴重的咪一星期一次度，無咩野的就兩三星期至一個月見一次不等，而如果跟你個個好忙，好多證，咪兩三個月先見一次囉,我自己本身就如無意外一星期見一次，我識人兩三星期見一次又有，兩三個月見一次又有........所以真係唔同的，見精神科醫生就大約五至十 分鐘一個證，無計啦，多人睇，醫生都好忙的，你要加油呀!!!
[Ma回覆01/25/2012 22:50:46]把那張PAPER訂在診症文件上, 一起交給CP, 我現在兩個月才見一次醫生, 現在很辛苦地才過了一個月, 事事不順景, 我已緊張到有胃氣, 要食胃藥了! 精神上我很埋智, 行為上就做不到, 我知道......如果我要求轉介去看cp和精神科, 以後就不可見現在的很了解我心事的醫生和社工! 很矛盾呀! 一直以來我都很難取捨, 我想問...cp一般來說幾耐一次, 一次看幾多分鐘架! 但先要看精神科轉介先, 由精神科再轉介cp, 我唔想看只得幾分鐘的精神科醫生呀! 真苦惱!
[版主回覆01/25/2012 22:34:31]我都有唸過寫低，但我怕連比佢的勇氣都無呀
我記得自己以前見cp.都系佢講多.我個性格.系人地問我一句.我先會答人一句.好少主動開口同人講野.
回覆刪除[版主回覆01/30/2012 18:50:23]唉~我都係要同人熟左先會傾的
[Ma回覆01/29/2012 23:57:16]一直以來, 我都有一個很深的心結, 無同任何人講過, 就係勇氣唔夠! 我怕講了出來, 以後再見醫生和社工是不知如何面對! 我嘗試同社工講我有一個問題解決唔到, 但係我又講唔出口, 我問.....如果我去見CP既話, 唔知道會否容易些講得出來, 社工回答我, 她說....我係呢個地方都講唔出口, 去到其它地方都係會講唔出的! (當時我無言) 她說....等我真係想講才講出來啦! 她沒有迫我講! 因為我是要與相熟了既人, 見好幾次面, 才可說出心事, 這是信任的關係, 因她知我是那麼的信任她和醫生都講不到, 何況要等一個不知的時間和有緣的CP呢? 平時的我和他們講什麼深入的心事都得, 只欠這一件事難到我, 否則我可以很長氣同他們傾訴架...................
[版主回覆01/27/2012 08:51:44]我都係佢問我答，所以我今次真係好驚無勇氣同佢講我想講的野
吃安眠藥可以嗎?
回覆刪除[版主回覆01/30/2012 18:48:31]醫生未必肯比我
[911的女孩回覆01/30/2012 16:34:15]咁下次記得問醫生拎。拎定做後備都好，但你唔準拎黎od 架。
[版主回覆01/29/2012 10:32:25]醫生無開比我呀