見學校S.W+專責護士+MSW

 今日一早返左學校見學校的2個S.W

首先見左跟進我的S.W，

傾左大約1個鐘，

都係傾我出院後的情況同我下學期的擔心.....

之後要接受男S.W的訪問，

關於佢有份大學功課，要訪問一些有特別問題的學生，

結果我接受了，過程係要錄音的.......

佢最初係咁解釋收集資料的目的，

又問我係咩病，我如實答佢:depression+ mix PD + 思覺失調

佢：幾時發現有呢啲病？

我：4年前

佢：點發現？

我：F.1個陣面試老師........(在此唔講了)

佢：有咩感覺

我：個陣仲細，無咩反應

佢：對你有咩影響？

我：成日復診，成日入院，成日請假

佢：咁又點？

我：學校會覺得好大壓力

佢：有無例子？

我：之前間中學因為覺得佢好大壓力，叫我退學

佢：你有咩反應？

我：唔開心

佢：之後點？

我：入左呢間學校

佢：有無朋友，有無同佢地講你有病？

我：社會唔接受精神病患者，唔夠擔講，我的知心朋友一定唔會係同學，而係院友

佢：院友比你有咩感覺

我：佢地會明白我

佢：咁社工同老師呢？你會唔會同佢地講你的問題？

我：佢地係專業人士，受過訓練，所以我唔會同佢地講大話，如果佢地問到，直接同佢地講我有病

傾下傾下差唔多半粒鐘，訪問完左了....

過程中我好緊張，怕講錯野......

之後同S.W傾左一陣，回家了，

再同病房專責護士傾左幾MINS.,.;..

下午再見M.S.W，

同佢係元朗傾左一陣，

再食下野，咁又過左一粒半鐘，

佢問我將來

我答佢我想一年內唔再入院，

佢話唔難，其實真係好難.....

講真今次我信心唔大，

因為我出院第二日DEPRESS又回來了......

講真，今次真係未好返，就出院了，感覺會好快入返去......

MSW送左一份聖誕禮物比我，

可以買書了^^