出院了

琴晚我出左院了，

好忽然，

又入又出，

我都唔知點入左去，之後又唔知點出返黎，

一切都太忽然，

仲未消化到~

我只知道我入院個日上午仲返緊學，

之後見左學校S.W同CPN，

咁就入左去，

仲要著住學校的PE衫入，

第一日入去，

見返主診醫生，

我問佢幾時出院

醫生居然同我講唔係我收你入黎的，唔關我事

我個一刻，已經估到一定有排住，

因為佢又話要開會，

又話要傾下先~

個會仲要係2星期後開的

我個一刻係咁哭，

因為知道自己一定有排住，

入左去，

見返一啲舊院友，

同佢地傾下計，玩下，咁又過左2日了

直到琴日，

見醫生，我同佢講我要返學

我同佢講我的出席率唔夠會留班的，

佢話要同cp傾下可唔可以比我每日渡假返學，

點知佢叫我出一出去，

到入返去見的時候，

佢居然同我講我出得院，

我好驚訝，因為無心理準備

但都出左院了，

今次入院，醫生同我減左好多藥，

因為佢話藥物的作用對我唔大，

我的主要係心理輔導，

所以而家只係食3種藥，

出左院，先知醫生無轉介我去見CPN，

即係我以後都無CPN跟，

係件好事嗎？

唔知道，

我琴日一出院就去左攞獎，

去到好晚，成十點鐘，

唉~下次都唔去呀~

今次入院，

對我的幫助唔大，

根本係無用，

情緒都係咁DOWN，

唉~算啦，我已經無藥可救了