探......

今日唔係幾舒服，

又頭暈又作嘔，

但係都照原訂的計劃去探爸爸.......

我寫左封信比佢，

封信的內容係咁的：
........................................................................................................................................................

爸爸，你離開了我已有整整6年了，呢6年裡，發生左好多事，而大部份都係唔開心的.....

我轉左新學校已經有一年多了，對環境大多是適應的，但今年大部份科目都係用英文教，就令我好唔適應了......

係病程個一方面，我大致上係好左的，起碼我知道自己係發生咩事，做緊D咩先啦~我都清楚知道我的PD係嚴重過depression的，但我想人關心我，我都有錯嗎？你知道嗎？自從無左你之後，我就好無安全感，好想好想有好多人去關心我......
其實我真係唔識同人相處的，可以聽到我講心事的人越來越小，不過都係我攞黎的。根本就唔可以怪邊個.....CPN，OT都因為我入左院而離開了我，醫生都因為我今次入院而轉了，學校社工又因為我的問題而互相疏遠了，新醫生我又唔識同佢相處，專責護士又成日誤解我.......但呢D都係我的問題，唔係嗎？我知道唔可以改變人地，我唯一的係可以改變我自己。但我可以點做呀？我真係唔識呀？我真係好想至少做返以前的我，可以同醫生社工有傾有講，但事實真係比我咁做嗎？我講又話我煩，唔講又話我難相處，爸爸，你教我點做呀？

連同人相處我都唔識，我係世上有咩用呀？我都試過有好多方法離開呢個世界，但都係唔成功，唔通個天就係想比我體驗下比我擁有晒，但又慢慢咁收返我所擁有的滋味？

做人真係好辛苦呀？爸爸，唔知你又生活成點呢？一切安好嗎？你有無見到我D同樣已離開人世間的鼠鼠呀？佢地係咪好得意呀？

爸爸，求你帶我走好嗎？父母分開左都可以選擇跟邊個，但你而家都係同呀媽分開左係唔同的地方啦，點解我又唔可以選擇跟邊個姐？求你比我離開這煩惱的世界吧......
..................................................................................................................................................

我就係寫左以上的內容比佢，

當然我去到仲有同佢傾左陣計啦，

個度真係好多人的，但只有我係咁係度哭，

但我真係忍唔住呀........

我只有對住爸爸先可以咁哭的........

由於呢2日，我都係係咁周圍去，

根本無時間做功課，

我唸，我今晚都係要好夜訓先可以完成D功課了......]

至於溫書，唉~一定無時間啦.......