我真係唔明白人點解要生存，
或許只係我唔值得係呢個世界度啦，
我根本就無法適應到呢個社會，
好小好小的野都會令到我好唔開心，
但我的唔開心唔會係個樣度，係係個心度，
所以無人睇到我唔開心的......
我知道我離開都係呢幾日的事，
點解我仲要打blog？
係因為我想紀錄低我係世上做過，唸過的一切，
或許我離開左之後呢個blog已經荒廢了，
但佢仍存係我的心中......
Anyway，今日係返學日，
仲要係一個要好早返學的返學日，
所以今日係比較攰的，
不過日日都係咁攰的.......
全人堂，今次做D test 係check下我地之後的理想職業，
又係度講咩係興趣個D囉，
唉~講埋D係人都知既野.......
IT堂開始學photoshop，
好難，個呀sir又係唔教的，
只係派D功課比我地做，
唔識就自行討論，
再唔識就問佢，但問佢係一件好難的事，
十聲九唔應，
就係咁，2粒鐘就係度整相.......
最後就係英文堂，
派返之前的Dictation，呀sir比左2粒堂我.......
之後個呀sir無情情又講起咩張國榮係自殺死，
又講佢自殺的過程，
我地班D人居然知咩係depression，佢地知抑鬱症的英文，真係好勁.......
但無情情個呀sir又講起張國榮的經理人，
因為佢個名同我個名超相似，
所以我地班又攞我黎講笑，
呀sir發嬲，就無講了.....
之後就放學了......
剛剛收到MSW的來電，
佢話擔心我之後的1,2個星期，可能佢知我呢1,2星期我會特別唔開心，
佢想聽日見我，
但我聽日好full，所以見唔到了，
或許呢D就係天意吧~(我又亂唸野了><)
唔使太介意喎，做好自己就得！我都知depression點解啦，所以無乜特別架咋：）
回覆刪除[版主回覆10/05/2012 18:51:14]哈哈，個個病情唔同呀麻
[沒有翅膀的小鳥回覆10/05/2012 18:03:25]傻啦，我地唔係叻。其實知depress點解都估到depression點解呀！
最緊要做好自己姐，你都好叻架。起碼你喺病房都有考試呀，我就無咁既毅力喇。
[版主回覆10/05/2012 08:25:41]下?而傢你地咁叻嫁啦
[沒有翅膀的小鳥回覆10/04/2012 22:22:06]唔使覺得咁奇怪喎，未接觸你地之前我都知呢個字點解呀。
[版主回覆10/04/2012 22:17:59]因為你地有接觸過我地，但佢地無囉
[沒有翅膀的小鳥回覆10/04/2012 20:21:06]點解咁講呢?
[版主回覆10/04/2012 20:04:49]你地知係正常的，但佢地知就唔正常了
上堂說課餘之事該是好的..學生可輕鬆吓
回覆刪除但講開心事為主就最好不過....
你呀SIR真係用心良苦..哈哈
人生苦短...該是開開心心過的
不應先天下之憂而憂...後天下之樂而樂
開心好快又一天的喔!
希望妳也學懂珍惜現在所擁有
妳一定有所發現..某些人事或物..值得妳留下的...
Spring 支持妳...努力喔妹妹.....
[版主回覆10/04/2012 20:06:10]我都唔知點解呢排D老師好鐘意講自殺
看到海難的新聞.更加.............人生無常.唯有珍惜現在
回覆刪除[版主回覆10/04/2012 22:18:53]係呀，今日唔知聽日事呀
係人都是...現實殘酷...壓力大...
回覆刪除係人都是...人生苦短...該是開開心心過的...
[版主回覆10/04/2012 22:19:23]係呀
要珍惜眼前，活著已是很好!
回覆刪除[版主回覆10/04/2012 22:21:44]講得對
唔好亂諗嘢,最好可以搵D嘢做下!
回覆刪除[版主回覆10/04/2012 22:25:55]已經好多功課做了
悲傷, 我一路睇你個blog, 一路覺得好有同感, 我諗我曾經都講過或寫過同你差不多一樣的感受!
回覆刪除所以我好明白你的感受, 但係我可以話你知你會有一日好番架! 到時你就會人生在世其實有好多事值得你開心, 值得你留低! 相信自己吧!!!!!!! 雖然我諗我唔係完全好番曬, 但比起從前, 我真係已經感受到咩係開心 咩係正面. 我相信你都會做到架! 你要超級加油呀 :D
[版主回覆10/05/2012 18:50:31]因為你過到囉
[Efa回覆10/05/2012 18:23:21]你怎知道你唔叻得過我呢？
你要相信自己呀，悲傷：D
[版主回覆10/05/2012 08:24:56]你叻呀麻，當然得啦
不要如你所說，
回覆刪除亂唸野啦。
.
多點和大家傾談，
會漸漸寬心，
減少心中愁悶。
.
加油呀!
[版主回覆10/05/2012 08:28:05]盡量啦
有空周圍去遊BLOG 也是好事,可以令自己分散精神開心D!
回覆刪除加油呀!
[版主回覆10/05/2012 08:29:13]活著快唔快樂就見人見智啦
[ice may may 雪美美、子格格回覆10/05/2012 05:29:47]你見到D 船難死者...他們多麼的無奈....再也不能回家了!
活着就是快樂!
我睇你寫文章,頭頭是道,寫得好好喎! 你只不過受到情緒影响,或者同你嘅內向性格有關! 你嘅問題,我亦曾經問過自己,人點解要生存? 我直覺講俾我知,我哋每人都有一個旅程,人生只不過係我哋整個旅程嘅一部份,如果做唔好呢部份會被扣分,另一個旅程會重辛苦! 所以唔好諗得太多同埋太長遠,既來之,則安之! 我已經POST咗另一首歌,有時間可以過嚟聽聽!或者聽完之後,你會開朗番!
回覆刪除[版主回覆10/06/2012 19:11:08]^^
[過氣年青人回覆10/06/2012 18:02:13]
[版主回覆10/05/2012 18:51:58]OK，thank
咩依家讀書咁多嘢搞嘅？又剪片又photoshop，重辛苦過番工....
回覆刪除[版主回覆10/05/2012 18:52:16]係呀，好多野搞，好麻煩
你咁想寫低諗過同做過嘅嘢，其實你都好珍惜生命，只係暫時未搵到出口啫，俾多啲時間自己啦！
回覆刪除[Daisy回覆10/09/2012 14:19:49]你等到嘅！
[版主回覆10/08/2012 19:58:31]我已經等唔到了
[Daisy回覆10/07/2012 16:03:32]如果你真係咁唔在乎自己嘅生命，你仲駛唔駛記低一切呢？當然你的生活，係有意義有價值的，但只係你一時迷茫，搵唔到解決方法啫。不過今日搵唔到，唔代表明日或者以後的日子搵唔到，問題係你要俾時間。任何問題都一定有解決辦法，而且唔只一個辦法添，有時搵唔到係時機未到，或者方法未對。必定要加油堅持落去呀！
[版主回覆10/06/2012 19:11:14]點解咁講？
其實你是一個好聰明的女孩子,寫文章也很有條理, 點解不想辦法解決, 而選擇逃避?
回覆刪除[版主回覆10/06/2012 19:11:33]因為我只識逃避
人生存世上,本來要開心過活,站在宗教角度講,就是要享受神的愛,因為世事萬物本來美好的,只是人離開神就不懂人本來的價值,人比天使尊貴,但人已經不知道了,感受不到了,只要重新返回神面前,我們的價值才會真的再一肯定.
回覆刪除原諒我好像在傳教,但這刻正正是妳需要的.
妳寫BLOG已經不單是留下紀錄了,而是而大眾關心的的渠道.
[沒有叮噹回覆10/06/2012 21:26:38]-_-
[版主回覆10/06/2012 19:11:56]><
只好盡力...唉...
回覆刪除[版主回覆10/08/2012 19:57:45]><
生命的意義就是不斷的去尋找生命意義,妹妹妳想一想,為什麼有的人沒有雙手雙腳,都能勇於面對一切,而且還能把喜樂帶給身邊的朋友,為什麼同一件事發生在不同的人身上,得出的結果都不同,從這些可以看出,一切都是由我們心所造成,而心是屬於自己的,我們要做心的主人,不要做心的奴隸,妹妹妳要相信自己,只有自己才能改變命運,別放棄呀!再長的黑夜總有盡頭,也沒有永遠的逆境.....阿彌陀佛!
回覆刪除[版主回覆10/08/2012 19:57:38]阿彌陀佛!