2012年11月30日 星期五
唔知咩事
今日都係返學日，
返埋今日就可以放2日假了，
但一樣都係好多野做，
唉.....
係上堂前我去左present份powerpoint先，
我係咁照住黎讀，
因為雖然唔洗對住全班，
但都係好驚....
老師當然睇到啦，
但佢可以點姐~
第一二堂，老師去左開會，
所以我地就自己做自己野，
真係超無聊.....
IT堂開始要整一個網頁的project，
但我真係未唸到做咩，
大家有無咩提議呢？
要整5-8頁的網頁.....
最後個兩堂係咁係度唱其他國家的國歌，
個呀sir唱到好好笑....
放學去左見學校S.W，
我都唔知講左D咩，
又講下電台的某個節目，
之後又講我星期二會有個不明來歷的姑娘家訪，
所以唔知趕唔趕到返學......
佢又問我MSW放假，CP又要2星期之後先得閒見我，
我有無D唔開心同覺得自己會唔掂，
講真，我真係好唔開心，
但係我可以點答佢？
唔通我答佢：係呀，我好唔開心，我覺得無人會理我，我唔開心都小左個人同我傾計嗎？
如果我咁講，我好似講到第日佢放假我都會咁，
咁佢放假都可以要交代好多野....
我唔想佢地放假要鷓左我而麻煩呀，你明嗎？
所以我只答佢：我可以點呀？
佢知道我界手了，
佢叫我比佢睇，
我死都唔肯，
因為我覺得呢D野係唔應該比人睇的，
我係冬天先界就係唔想比人睇到，
我界係因為暫時用佢來代替OD，
點解想OD？
係因為呢排的野令我太唔開心.....
但主要係咩事，
我都唔太清楚，
可能係夾埋夾埋掛~
訂閱：
張貼留言 (Atom)
你仲未知星期二果個不明來歷的姑娘係邊一飯-.-
回覆刪除[版主回覆11/30/2012 20:23:52]未知呀，我唸要個日先知><
你好! 明天一定會更好的....加油呀! 週末愉快!
回覆刪除[版主回覆11/30/2012 22:35:45]你都要呀
我近排又同返診所D姑娘聯絡返，我12月中先見返，不過今次個姑娘已經轉左，舊果個調左去病房。其實傾下計無咩野既，但係我總係覺得D姑娘趕住走呀，每次出到黎可能傾得15分鍾就拜拜....
回覆刪除[版主回覆12/01/2012 11:46:27]應該要到唔知幾多年無再去，先會自動CLOSE，如果你睇開兒科，到18or19歲就會close
[AK NAY回覆11/30/2012 22:48:14]其實又知佢真係忙，要趕住見下一個病人，果個姑娘我覺得佢都係幾有心既，不過我覺得無幫助唔願意再搵返佢姐....其實我無聯絡診所都好似有一年，但都仲一直KEEP住有姑娘打黎搵我，其實佢地果度係咪唔會自動幫你CLOSE FILE？
[版主回覆11/30/2012 22:41:07]其實我唔係個個姑娘都同佢講野的，特別係d趕住走的，我會直接咩都唔講，等佢可以快d走
嗱！介咗手啦！唔好再OD！加油努力呀！多多保重。
回覆刪除[版主回覆12/01/2012 11:47:07]放心啦，要考試，我會忍住唔好OD的
界手? 點解要做咁傻既事呀?? 豆好傷心喲！
回覆刪除做人要堅強一D啊~！豆會支持你哦！全部BLOG友都係你「好好既朋友」啦！
[版主回覆12/01/2012 11:49:29]多謝你呀，豆......我都想堅強，但做唔到，我都想開心，但開心唔黎，界手只係代替OD的表現......
冇錯啦，
回覆刪除唔太清楚，
就要想一想，
依家知係夾埋，
再想一下，
是什麼夾埋吧。
.
明白了，
心情會好一點。
.
請你和大家傾下，
會有幫助。
.
大家都關心你，
請你不要再做那兩件事啦。
.
努力呀。
[版主回覆12/01/2012 11:50:31]我都想忍到唔做，但我實在太唔開心了
悲傷:謝謝您！
回覆刪除哈哈哈....................早晨呀！今早我又去細佬處攻打四方城喇！我祝您身體安康愉快！
[版主回覆12/01/2012 11:50:47]你都要身心健康呀
其實佢哋要放假,其中一個理由是治療自己,因為工作真的令他們心身都疲憊,是需要休息足夠,才繼續有足夠動力工作,請妳諒解他們,們放假的日子更要堅強.
回覆刪除[版主回覆12/03/2012 19:45:23]我明白的，所以我無怪佢地
回覆刪除[版主回覆12/03/2012 19:45:29]
我唔開心的話就做運動，做家務，消耗能量又有建設性。運動後，人都會開心d，對身體又有益，你都試下啦。
回覆刪除我以前的好好朋友屋企都好複雜，她從來都唔笑，又成日𠝹手，作為朋友見到好心痛。尤其知道又幫她唔到，又阻止唔到她，真係好無奈。悲傷小妹，我見到你咁樣好心痛！