見醫生+CPN+MSW

琴晚做做下Project，溫溫下書，

覺得有D唔太對勁，

量下，又發燒，

只好立即食必理痛，

又只好訓覺，

因為我今日仲要返學，

半夜再食粒，

今早起身，

量下，都仲發燒，仲比琴日高，

唔理咁多了，都照返學，

返到學校，

當然好辛苦，

但可以點呀？

只好等返學，

點知放學因為我地班的班代表無返，

剛好今日就要開會，

個男班代表係咁叫我代，

之後個班主任又叫我，

我只好如實答：要覆診，

唉~如果唔係今日覆診，

都唔知點推佢.....

去到醫院，

今日又反常地好多人，

其實都唔多，

五六個病人左右，

但比平時得我一個多.....

醫生係另外一個醫生房出黎，

佢同我講：等多5分鐘，

之後又係個診所度走來走去，

入到去佢同我講：點解你個樣好似好嬲我咁既？

我：我無講過嬲你

醫生：聽講你成日都用筆界手

我：有咁的事嗎？(我一定唔會咁做)

醫生：唔清醒的情況做？

我：我無做過，而且而家係仲可以著短袖，我唔會界

醫生：點解？

我：比人見到

醫生：咁又點？

我：會比人講3講4

醫生：咁衰呀？咁冬天先界啦.....(哈哈，醫生居然咁講)

醫生：有無懷念以前病房的生活？

我：點解會？

醫生：好似你係病房開心D，你想入，可同我講

我：死都唔入

醫生：點解姐~有我成日見你呀

我無答佢.....

醫生：有無CPN跟你？

我：無呀，你無轉介又點會有？

醫生：無咩？我明明你出院個陣有轉介的.....轉介返先.....

之後佢係咁打打打，

之後就同我講：4個星期再見啦~點解你今日好似唔係點講野既？

我無答佢，之後走左，

出到去，nurse睇下睇下，

話醫生仲有D野未寫，

但入面見緊人，要等個人出黎先可以整到

我見住個呀媽同個女一齊入，

之後呀媽出返黎，

個女入去，之後個女哭住出，

呀媽又入，最後呀媽出，個女再入....

足足搞左9個宇，

我終於可以比醫生寫埋D野了，

最後姑娘比左張紙叫我去搵CPN，

之後我打比MSW(因為我原本約左佢，但已經5:30P.M，所以唸住交代聲，應該見唔到)

但MSW居然落黎同我一齊見CPN，

今日見的係當值的，

一時又問我：上次咩事入院，幾時入？

我已經唔記得詳細了，

講真，成日入，真係唔記得邊次同邊次了......

之後MSW同我答，

又問我係學生定返工，

又問我讀中幾，

又問我同邊個一齊住，

最記得就係佢問我同呀媽關係點，

我答：無法形容.....

見左5mins左右，

佢話跟我的CPN會之後打比我，

我心唸：我返學，佢返工，我放學，佢都放左工，點搵呀？

總知：今日醫生的態度好似好左.......