見MSW+CP

今日都係返學日，

上的堂都唔知自己學左咩，

今日返學就好似為左出席率而返咁~

放學又去左醫院，

首先見MSW，

傾下見醫生同CP的野，

都有傾過學校的問題，

我好記得MSW講左一句：

「你見CP就係睇功課，

成日做埋D為做而做的功課，

又覺得對自己無幫助，

咁見黎做咩？

見下都舒服？」

佢講得都啱的，

我有時候都會係度唸：

「我見醫生係為左可以keep住見CP，

咁見CP又為左D咩呢？

就係比佢睇功課，

之後又安排功課咁就算，

我甘心嗎？

咁我會好返嗎？」

我記得CP上次問過我：

點解仲要keep住見醫生，

我可以點答佢呀？

唉~有時候我反而會唸，

社工反而可能幫到我更多.....

MSW仲有一個星期就放大假了......

今日見完MSW就去見CP，

見左10-15mins，

睇功課，

佢話D功課的答案係啱晒，

仲做得好好，

但佢覺得唔係我出自真心相信D答案，

唉~其實你想我點呀？

我做D功課都係唔想比你話，

其實我根本就唔係好想做呢D所謂的功課，

仲要我出自真心去做，

算啦，我唸我永遠都合乎唔到佢的要求，

之後佢叫我返屋企再做過，

所以今次只係睇功課，

無講過任何野，

有時我真係唸：我做咩都係錯的......

因為如果我出自真心做的，

就一定唔係答案，

係答案的就唔係真心的，

所以我點都係錯.......