新生會S.W家訪

琴日可能真係做得好辛苦，

搞到好攰，

琴晚係訓下醒下，訓到今早十點幾，

好耐未試過咁放任自己係咁訓，

哈哈，訓得多都唔係咁好.....

今晚我會努力做功課的。

今日下午新生會S.W黎左家訪，

一個月一次的家訪，

真係好似無咩野講，

好明顯就係有D陌生啦~

其實2-3星期見一次都好陌生，

仲要我一個月見一次，

我真係唔知同佢講咩，

上次講過的，佢忘記了，

今日講過的，

下次都唔會再提......

所以我記得我初次見而家個CP的時候，

我都同佢講，如果我好耐先見一次，

咁就不如唔好見了....

可能我真係好自私啦，

都可以講，我好無安全感....

怕佢唔見我，就會忘記我......

今日新生會S.W好巡例咁check個D藥，

當然無問題啦，

我琴晚好努力咁執藥，

快至比佢發現我唔食，

雖然醫生同CP都知我唔食，

但快至比佢係咁問呀.....

之後呀媽就係咁投訴我成日發脾氣，

哈哈，之後有CPN的時候，

呀媽就係咁同CPN講，

而家無左CPN，就同佢講.....

佢之後帶左我落去公園行，

期間真係無咩點傾計，

都係講下身邊的風景，

行到差唔多，就回家了......