長大？

今日唔洗返學，

都係公眾假期，

無約人，同呀媽去左商埸行下，

買左D貼紙同筆~

唔知點解我見到D貼紙，我就會好想買~

我屋企真係超多貼紙，

呀媽一見到，就會話：你仲細咩？

我都知我已經大個女了，

但唔知點解我真係好鐘意呢D野，

記得MSW走個日，同我講：我都唔知送咩比你好，你一時又好似好大個，有時又好細個~

結果就比左呢樣野我....

唉~我都唔知呀，

係好多野上面，

我都會好似大人咁，

有D比較成熟的睇法，

但有D事，特別係關乎自己的事上，

我就會好似小朋友咁~

我就好似仲未長大咁，

我無可否認的係，我太依賴人了，

都太重視身邊的人同事，

社康同CP等都話我處理呢D野，比同齡的人差~

人地已經學識了，我仲學緊，

或許有人會話重視感情係好的，

但當太影響自己的情緒就係唔好的，

好似我咁，每次有人同事係我身邊離開，

我都好唔開心，唔開心的程度係超乎常人的，

但係有D根本就只係因為人事調動而走，

我都會接受唔到，

唔係第一次，次次都係咁，

但我同人建立關係都好難的，

我對新認識的人，會好唔信任，

好驚佢地，但只要同佢地熟左，

就好容易因為種種原因而無安全感，

所以我情願要約我見的人，

係今次見面，就要約定下一次，

如果唔係我每一日都會好擔心.....

我成日都因為同人的關係而唔開心，

我有時候唔想佢地為我而改變，

但係我又接受唔到佢地對我的方式，

但我又唔敢同佢地講，

我夠竟幾時先可以係呢方面長大呢？

各位，我之後個兩日都會好夜先返屋企，唔打blog了，不用擔心