PFT

今日又係返學日，

但返學校前，去左醫院做左PFT(肺功能測試)

一去到唔洗等，

就到我了，

個姑娘最終教極我都唔識，

佢：你幾多歲呀？都十幾啦

唉~我真係未試過，所以我真係唔識~

個一刻我真係好唔開心.....

但半粒鐘後做完了，

我返學了，

第一堂教咩港男港女，

我地班好熱烈...

一邊睇片一邊講.....

之後個堂做Project，

做左咁耐，都唔知做左D咩，

唉~真係失敗><

中途派左星期二Test的卷，

當然我比上次差左啦，

但Miss講邊個係最高分的時候，

全班都已經大叫我個名，

個一刻我只係度唸： 如果唔係，我點算呀？而且個分都唔高~

結果當然個分真係低，起碼低過上次啦~

最後英文堂，

Test，因為係Oral，

所以要錄音，

真係超緊張，

唉~90s的野，我40s就講完，

我都唔知自己講左咩.....

最初我怕唔夠時間，點知.....

上完堂，去左見學校SW，

好耐無見佢了，

佢話我比上年進步左，

但我想講，我呢排的心情真係差左，

我知道，我支持唔到幾耐，

我真係好攰，每一日都好攰，

我知道我快要倒下，

我更相信今次會比之前更難起身，

因為我真係支持左好耐，

一黎就一定會好勁，

我控制到佢爆與否嗎？

但我想講我而家已經忍得好辛苦了.....