MSW要走了....

今日一早去左見CP，

佢一提起我呀公，

我就係咁哭，

佢叫我唔好拒絕D唔開心的情緒，

要接受佢，等佢自然走....

但下星期佢唔得閒，唔係醫院，

所以見唔到佢~

見完佢，就去左見MSW，

最初都係傾我學校的情況，

我都哭了...

但佢同我講佢收到通知係下下星期要調走，

我最初一聽到，呆左，

雖然佢一早同左我講，佢有機會走，

但無唸過會咁忽然，

佢一問我：呢年幾，我比左咩回憶你？

之後我就狂哭...

佢：我星期一到到要調走之後，我都唸緊唔知點同你講

我係咁哭...

佢：我都知我走得唔係時候~

我同佢講：我學校SW又請左好耐病假，CP呢排又好忙，唔得閒見我

佢：你要知道我地都唔係唔理你，學校SW都唔想病，CP都唔知自己會咁多野做

佢：我都知我走得好忽然，我都要用呢2星期搞起晒D手尾~

但我個陣已經哭到氣喘，

我知道我唔應該哭，但我真係好辛苦...

之後，佢同我出去行，同我去食野，

又講返佢剛識我個陣，次次見左半個鐘，我一句野都唔講~

佢話我已經好左....

最後，佢約左我下星期再見，下次已經接近尾聲了....

佢叫我要開開心心咁送佢走，唔好令佢擔心我....

返學校途中，我係咁哭，

但一返到學校，見到同學，我就忍住唔哭，

頭一堂都仲忍到，

但之後個堂我真係忍唔到了，

係咁狂哭，

我隔離個男同學見到，係咁問我咩事，

我無理佢，

我知我要忍，但控制唔到，

佢問D同我熟的同學我咩事，

但無人知，最後佢同老師講，

最後呀Sir唔知點搵左班主任上黎，

之後，班主任就帶左我去輔導室，

同佢傾左一陣，佢叫我畫畫，

咩屋樹人，又同我分析，

同有咩改善方法~

咁就過左差唔多2堂鐘，

個陣已經6點幾，要返屋企了....