見CP

今日唔洗返學，

今日要見CP，

未去見，係屋企，我都好驚，

每次做左D咁的野，之後見佢我都好驚，

係唔想佢失望？怕佢會話我？

我都唔知呀？

感覺就好似細細個攞住唔合格的考試卷比呀媽睇，

但老師話要簽名，

唔比唔得~

就好似我個一刻的心情，

我有唸過唔去，

但我又逃避到幾耐呢？

個一刻我好想搵人陪我去，

但最後我都係自己去了.....

去到，等左一陣就入去了，今次見埋佢學生.....

CP睇了醫生寫的野，

佢係咁嘆氣，

我最怕就係咁，醫生上次都係咁，係咁嘆氣....

之後CP又扮無事發生過，

都係問返D例行問題~

問到：有無傷害自己的時候，

我：無~

佢超大反應，係咁鬧我，又係咁叫我全名(佢平時唔係咁叫我)

話：OD都唔算呀？

我同佢講，我一直都以為傷害自己係指Cutting個D，OD係自殺行為

之後佢又超嬲，同我講Self-harm的準則，

又話我上次星期五先見完佢，星期六就OD，

星期五做咩唔同佢講~

佢真係好嬲，我只係咁哭，

最後，有人打比佢，佢聽左電話之後就叫我講個日咩事~

又問我點解佢次次問我有無野想同傑講的時候，

我就咩都唔講，

我同佢講，唔單止佢，我見個個人都係咁，

準備左有D野想同你地講，但最後都係唔敢講~

佢又嬲了，但最後我都同佢講左我OD的經過，

但我狂哭，佢個垃圾桶全部都係我的紙巾，

當我同佢講，我部份OD前做的野，係因為我有個呀Sir叫我地咁做，

佢就笑了，佢大笑左成2-3mins，佢學生都笑了~

佢：唔好意思~真係好好笑~

我見佢中途，佢電話響，都有人敲佢門，

一時話整冷氣，一時又話整插頭，又影相~

我都唔知係好事定點~

一方面打斷左我地，一方面可以緩和左D咁的氣氛，

佢寫左我D過程，叫我返屋企寫低係咩時候可以做D咩，從而令自己唔好OD~

   ↑CP學生寫的 ↓

佢話下次再傾，叫我下次見佢前唔好OD，

下星期再見~

返到屋企，同呀媽食Lunch，

之後學校SW打比我，

問我見CP的情況，

我同佢講比CP鬧~

佢話我應該預左，

唉~CP真係比我想像中大反應左，

見完佢，我真係有D唔開心，

但唔知點解，同完學校SW講完，又好D~

唉~我知道CP都係關心我，緊張我先會咁嬲~

但講真，我已經好唔開心，比佢咁鬧我，

我就更加唔開心....見佢之前好驚~

點知就真係咁，仲比我想像中差~

唉~我真係唔知可以點~