麻煩

今日一早我就出左去搭車，

好眼訓，

結果係車度訓著左，

C的同事打比我，

我先醒左，

結果我地係西隧等，

等左好耐先有970X，

上到車都好逼，


原本約左十點，

但九點九先係西隧上車，

十點二，輔導打比我，問我係邊，

問我識唔識路，

最後遲左三個幾字~

去到港大，

又入返去個間好多公仔的房，

我又繼續玩隻狗仔~

等左一陣，輔導就入黎了，

佢問我呢2星期有無特別野發生，

我話：返學囉~

之後佢就問C的同事有無野要補充，

之後佢話無，

輔導就叫佢出去等我....

我同輔導單對單見，

佢問我有無野要同佢講，

我就一口氣問左佢我一早唸左的問題，

佢話我會見多2次，即個半月時再決定會唔會再跟，

而收費方面以我情況都唔洗比住~

問完，之後仍問我有無野要同佢講，

我話無~

佢：每一節我會見你一個鐘至個半鐘，而家10點半，我會見到你11點半左右，呢段時間係你的~

之後佢攞隻錶出黎~

原來D要收費的服務係咁，真係同你計時間....

我同佢講，我成日都會因為D小事而唔開心，我唔知可以點~

佢話佢唔會教我咩方法，因為佢知道好多人都教左我唔同的方法，但問題係我唔肯去做....

我哭了，我：我係一個好容易放棄的人，好多方法，我試左一段日子，見唔得，我就會唔做~

佢：好開心聽到你會試~

其實我同佢傾計的方法，

我每次講完一句野，佢會停好幾分鐘，先回應，

有時我會忍唔住問：咁我應該點做....

佢先會答我，但佢唔會比答案我，佢會重覆我講的野，

之後佢會話佢了解我多左，

知道我唔開心都係D擔心，同內心好多自責~

我同佢講其實我有時都唔知自己想點，心裡的魔鬼同天使成日會吵，

佢話知我好辛苦，但佢無可能見一節就會令我加大天使的力量，

佢話只要我願意，呢條路佢會陪我，會幫我，一齊去令天使的力量D大....

傾到呢度，佢話時間差唔多，要約下次了，

2星期後見，下次我自己去了....

最後C的同事帶左我上巴士，佢就走了,,,,,

我又係巴士訓左，

返到屋企同呀媽食D野，

我就返左學校見學校SW，

學校SW問我見CP點，因為佢打左比我CP，

我：CP話我下次覆診，醫生會比封信我，令到我下次入A&E唔洗等，直入Psy Word

佢：下？有咁的野嗎？我下次陪你去見醫生啦....

佢第一次同我見醫生，我呆左，可能佢真係好想要封信掛~

之後佢又話星期四6點會Home Visit，

之後我話6點？你唔洗放工？

佢話：你唔洗理我啦.....

其實今日真係無咩野傾，就係講呢D，

最後佢叫我參加交流團同英文活動咁囉~

返到屋企，見郵局未關，

我入左去排隊買左10份3毫子郵票，

10月加郵費，我要每封信都貼多3毫子，

我屋企仲有1.4郵票，要用左先....

真係好麻煩.....

P.S.我呢個Blog會Keep住同舊的Blog一齊更新的~

但大家如果已經有Google 的Blog 或者大家方便的話，

可以到此留言，當然舊Blog都歡迎啦

舊Blog:http://blog.yahoo.com/depress-and-sadness/articles/page/1