好傻 :(

今日都返學日，

英文堂，上到我真係好攰~

D野唔係難，

但只係上到有D悶，

一次過上3粒鐘，

真係好攰~

之後係班主任堂，

我同班主任講我要去HKU，要早走，

最後佢比左我地班填D野，

就lunch了，

食左Lunch，我就搭車去HKU，

好眼訓，好似訓左一陣，

傻傻的我，以為西隧一定有人落車，

所以無按鐘，點知無人落車，

我就咁睇住個站離我而去，最後要係港澳碼頭落車，

見住個鐘就快夠鐘，

係咁搵下有無車過去HKU，

見到有架71，但勁耐都無車，

勁驚，唸住搭的士，

點知比我見到架71係前面，我就好心急，

上左車，一路開住個app，一路睇住個顯示牌，

最後都去到HKU，一落車就跑去上去見輔導...

一入到去，用抱住隻狗仔公仔~

輔導今次又同我講，有個半鐘，D時間係我的，我鐘意講咩都得~

佢問我想講返上次的話題定有新野想同佢講，

我：我想學一D方法去代替Self-harm~

佢：好，我地用公仔黎形容

之後佢叫我起身，

用隻狗仔公仔黎代表開心又唔會Self-harm的我，

放係一個位置，睇下佢離我有幾遠~

我就放左係沙發，

之後佢又比左其他公仔我，分別代表我的朋友，同其他會令我唔開心的事~

最後我隻手，攞住左7隻，

佢問我，感覺點，

我話：已經攞唔到~

佢：行唔行到去開心又唔會Self-harm的你度？

我：行唔到，因為攞得太多.....

佢叫我關埋眼，

佢：你而家攞住咁多"公仔"，已經好辛苦好累，已經令你行唔到過去，你應該點做呀？

我：放低D公仔~

佢：你而家可以打開眼了~我會同你一隻隻咁攞走，今日就攞走你最想攞走的一隻先~

之後大家就坐返低了...

佢：你而家最想放低D咩？

我唸左一陣，我同佢講，就快到爸爸死忌...

之後我就係咁哭，

佢問我呀爸係幾時走~

佢知道後，佢話我個陣好細個，

問我個陣有咩感受，

我話：我最初只係以為佢訓左，但唔見太耐，就知道咩事了~

佢話以我個陣的年齡，已經好叻~

我又同佢講，我真係好想同爸爸一齊~

佢問我點解~

我：因為佢走左之後，我的生活好大轉變~

講左一段時間，佢話我其實我唔係因為爸爸走左而搞到咁想死，

而係我一直以黎我的心態變左，

其實我唔係想死，而係我想去返以前開心的我~

但其實我係有能力令到自己開心的~

我問佢有咩方法，

佢話其實唔係有D咩方法去令自己唔Self-harm，令自己開心~

而係我有幾想去做，只要我好想做到，就會有能力去做~

佢話佢對我有信心~

佢又話，如果我死左，就係結束，我已經行左咁多年，唔應該甘心比自己而家就放棄，

佢好想再同我行呢條路，繼續聽以後小小的我，點面對一切的野~

其實今日見左成2粒鐘，我就哭左有粒半鐘~

最後佢都叫我，如果我對佢的輔導有咩意見就同佢講，佢最想就係幫到我~

今日的我，已經適應小小左佢的方式，

一個月2次的見面，我都希望真係有幫助~

因為真係好遠><一去就要用大半日時間去~
P.S.我呢個Blog會Keep住同舊的Blog一齊更新的~

但大家如果已經有Google 的Blog 或者大家方便的話，

可以到此留言，當然舊Blog都歡迎啦

舊Blog:http://blog.yahoo.com/depress-and-sadness/articles/page/1