我的背景

小時候：

家庭－從小媽媽和爸爸因為我各種原因而打我，例好：唔睇電視、駁嘴和成績差等。佢地會用衣架，皮帶同滕條....佢地甚至會趕我出門口，綁住我，掉我書包，最令我印象深刻係會用搥仔打我手指。而因為呀媽要照顧爸爸的關係，我會不時寄居去唔同親戚的屋企~有四個家姐(由唔同人所生)，但只有一個係我見過的，而爸爸都係2006年因年老過生。

學校－因成日搬屋同住唔同的地方所以轉了唔同的學校，至目前為止係第8間，但在小學時，同學會同我改花名，會欺負我，打我，推我，甚至話我有病，唔敢掂我。我至小就因為咁而伯攞住打菜刀而想自殺，但呀媽對呢D野唔認識，所以無做任何野。直至中學學校SW轉介我睇精神科，我的患病歷程都開始了。

患病歷程：

6年前，我最初係被診斷患上Major Depression，而睇左幾次之後，醫生決定叫我入院。入左2次之後，我係病房介手，比醫生送左上成人病房，都因為咁開始左12次的ECT。

在2008年4月27日，我第一次自殺(唔食野多日)而被送入醫院，經過呢次之後，我大多數的日子都係醫院渡過，返紅十字醫院學校，而情況好D的時候，會每日早出晚歸咁返學，如果考試的時候係醫院，考試就會係醫院進行~

而在住院期間，我學校懷疑我有Asperger，因為我一直都唔會望人講野同學校SW了解過我係好大過先識講野，當然都有其他病徵啦~最後CP同我做左IQ test，而佢只係話我語言能力較差，而佢地最後都無再提了.....

而學校見到我考試成績比有D有返學的同學仲要好，決定比我一直升班~但中二的我，只返左十幾日學，所以升左中三之後，有D辛苦，但中三時都係醫院，所以都只係返到一個學期左右，但我以全班第三的成績升讀中四~

升左中四之後，我都係繼續係醫院返學校，但有一次，係搭輕鐵的時候，曾4度被人非禮，而我最初返到醫院時都唔敢同姑娘講，最後姑娘發現我有D唔同，被佢一問之下發現了。我都開始無得返學了，醫生幫我報警了，而我都開始錄口供個D(係醫院進行)，而最後係由警察姐姐陪我返學時，見到個人再次做那個行為時當埸拉左佢。之後的日子，姐姐係頭2星期每日都車我返學，之後就由校長車我返學，直至我出院~

係2010年，我第一次入左間宿舍，但因為我OD被送入院，所以只住左1星期左右。我都因為咁，再次做左12次ECT~而學校都因間學校太大而建議我退學~我出院後，就要再搵學校了，都係我而家讀緊呢一間~

2011年，我在醫生比學校的信度發現我患有depression and mixed personality disorder，但我問醫生，醫生只話：情緒問題~

直至上年，我開始有幻聽同幻覺，醫生轉介左我去思覺失調科，都因為咁轉左醫生。呢個醫生同之前的醫生風格完全唔同，佢一開始就話我咁細過，唔知點解要做咁多ECT，又話我食咁多藥，好似個藥煲咁，話食咁多藥無益。佢由我原本一日食十幾粒藥減到而家的兩粒~佢都好小會強逼我入院，好多時都比我選擇，除非入左A&E。

而家的我，因為學校我有病同我有Self-Harm的背景，由原來面試比我去到而家要再重新決定，我開始感到唔知前路會點，都因為咁面對唔到其他人，唔想返學。

P.S:呢篇Blog只係簡介，如果想睇詳情就要睇返相關的Blog~而呢篇Post都會不定期咁更新~