開Blog原因

好多人會覺得我地係唔應該係FB開Fans專頁，都唔應該打Blog~

而我更加唔應該用D咁負面的名同內容去打....

其實我打Blog，一邊係可以借此定期整理一下我的情緒，更加可以比D同路人覺得仲有人同佢一樣，唔係得自己一個...又可以比D唔了解我地的人知道我地的感受~

「不開心的我遇到你」其實係指唔開心的我，遇到你地，我的生命可能因此而得到改變。記得我走左的MSW講，人生就好似巴士司機，而你地就係我的乘客，雖然你地可能睇完一篇就唔會再睇，但巴士上一定有人早D落車同遲D落車，我地只需要理個過程就OK~而個過程就可能影響到我的生命~

開左個Blog，我識到唔少同路人，佢地有D仲同我講，因為我個Blog的出現，令到佢地發現原來都有人同佢地一樣，見到其他人比我的留言，就好似覺得都留左言比佢咁，呢個都係我將個Blog同Fans Page公開的原因~

另外，個Blog將會記錄我會病發，我會情緒低落的時候，但當然都會有唔同的經歷令我再站起來，最後我希望會有真真正正康復的一日。而以上的野，我都一一記錄下來，可能有時會好負面，但我要承認呢D就係我人生的一部份，我唔會因為咁而唔寫~

最後我知道呢個Blog同Fans Page可能會令人有同感，但都可能會令人不安，如果係後者，我在此深感抱歉，都希望你唔好再睇落去，因為呢D係大家都唔想發生的。