今日原本藥物小組，
結果因為打風關係取消了，
係我的CPN打比我，通知我的
佢打比我的時候，
完全無問過我的近況，
只係講話小組取消左就掛線了~
我唔係好想人關心我，
只係我好唔開心，
好想搵人傾，
佢打開比我，
點解唔講多幾句？
講真，我真係好唔開心~
就咁睇我好似好多人跟，
但有邊個可以係我真正唔開心時幫到我？
學校社工放假了，
新生會社工只會同我睇我啲藥><
一個多月先搵我一次
CPN，唉~唔知點形容好，
打開比我，連一句問候的說話都無，
佢連我班主任都不如呀
琴日班主任打比我的時候，
都有問一句：近排點呀？
我唔係好想人比好多的注意比我，
我只想有人係真心明白我，
係我唔開心時，幫我
而MSW，佢又放假了
CP原本約左聽日見，
點知，因為佢有事取消左了><
醫生？一星期一次，
見得個幾分鐘~
我今日真係好唔開心，
我真係好想打比某啲機構傾下，
但我真係無咁
唔好成日諗人地唔關心你呢~最重要你識得關心自己,沒人比自己更了解自己,有無劃開畫呢, 將你你所想的劃出來, 會開心d啊~劃得漂亮, 可以送比朋友仔讚下~會仲開心,信我^^
回覆刪除[版主回覆06/20/2012 09:08:59]都係一些美勞的工作
[春日鳥yahoo blog回覆06/19/2012 23:51:12]是甚麼小手工呀？
[Kammy回覆06/19/2012 22:37:29]有時我想,如果人可以有多D時間,做多D自己喜歡既事,多好...不過,人總是忙啊忙...
[Kammy回覆06/19/2012 22:34:23]是嗎??什麼小手工,可以分享下嗎??我都好喜歡小手作啊
[版主回覆06/19/2012 22:18:18]我呢排都有整小手工
我真係好想打比某啲機構傾下，
回覆刪除Go ahead................they have lots of activities too. community centre, youth centre , or social service centre such as YMCA..YWCA...Boy and Girl club......every Public estate have one or two....
[版主回覆06/19/2012 22:20:01]但我無勇氣去做
悲傷....我覺得你既意志強了很多...加油
回覆刪除[版主回覆06/20/2012 18:51:41]^^
[小睛 回覆06/20/2012 13:09:25]是的....
[版主回覆06/19/2012 22:20:38]真的嗎？
先笑, then happy!!^^
回覆刪除[版主回覆06/19/2012 22:26:53]開心不來
你講了出來，
回覆刪除就表示你已不怕面對啦，
即是你信心多了一些，
正如下面網友所說，
你既意志強了很多。
加油！
再加油！
[版主回覆06/20/2012 09:09:14]^^
[red_yellow回覆06/20/2012 00:47:26]多謝今天到訪敝 blog。
因為忙碌，
大概幾天，
才能 update 一次。
其實你話你想打俾"某啲機構傾下"證明你已經願意去面對lee 件事la!! 俾多少少運氣打la
回覆刪除[版主回覆06/21/2012 09:27:30]咁又係
[Kelly回覆06/20/2012 21:01:20]勇氣係自己俾自己ga ma同自己講"我一定得""一定做得到"
有時自己唔主動人地係唔會打俾你ga
[版主回覆06/20/2012 09:10:00]但真係無勇氣呀
好似你將心底話寫了出來，已經是很好的做法，起碼唔使鬱住鬱住。
回覆刪除不要介意別人關心多少，只要正面（positive）的面對，人才會開心些，沒有任何事情比對自己好重要。或者在不開心的時候想想有甚麼是你值得驕傲事，又或找出一些你想做而能使你的心情安定........ 請不要悲傷，加油，努力！
[版主回覆06/20/2012 09:10:54]寫了出來，舒服些
悲傷您好！我聽見您所講的訴心事，您覺得自己有孤獨感，我主將您去看看開心的電影或去通菜街睇下寵物店我諗您的心情同精神都會放鬆下來便不會把自已覺得孤獨無門了。您要把自己精神和眼光睇遠些，把您的心靈放開一點吧！我祝您身體安康愉快！
回覆刪除[版主回覆06/20/2012 09:12:44]我只係想搵人同我傾下計姐
唔駛咁唔開心的,妳想有人關心,証明妳係個好正常的人,因為人人都想有人關心的啦,不過別人能做到的真的有限,如果單單只寄望某一兩個人,不如倚靠身邊更多的人更好,只要每人有一兩句關心的說話就好啦,那怕是簡單的問候呢.
回覆刪除調整下自己的心情,証明俾人睇~~妳係掂的,即或不然,妳也可好好活下去就是好的了,暑假了,好好放鬆心情休息下啦.
[版主回覆06/20/2012 19:23:23]咁又係~
[沒有叮噹回覆06/20/2012 17:41:00]我唔係話淨係要妳關注個社工,妳還有家人、同學和朋友吧.
[版主回覆06/20/2012 13:40:31]但佢係社工，我點問侯佢？
[沒有叮噹回覆06/20/2012 13:10:25]咁妳做先囉, 一般而言,自己先開口,人哋係唔係都佰回應妳,況且妳想人哋關心妳,妳可以先關心人哋嘛.
[版主回覆06/20/2012 13:04:57]可惜佢地無做到
[沒有叮噹回覆06/20/2012 13:01:43]可以的,其實妳可以先問到佢哋都可以.
[版主回覆06/20/2012 09:13:47]我唔係想佢地同我傾好耐，我只想佢地問候一兩句
寫多啲blog，祈禱同神講妳嘅心事啦，主會聆聽同給予妳平安!
回覆刪除[版主回覆06/20/2012 19:25:12]明白
[沒有叮噹回覆06/20/2012 17:59:09]單單祈禱是唔夠的,更要有信心祂能幫到妳才行.
[版主回覆06/20/2012 12:52:48]我呢排成日都祈禱
佢只係通知你打風改期，因為佢仲要打俾其他人嘛！
回覆刪除你如果想同佢傾多兩句，你唔駛等人哋先問你呀！因為人哋唔知你嘅想法，你可以直情話「我想同你傾多兩句」，多數都會願意嘅，如果真係唔得，佢哋會話俾你知原因。
你只係陳述表達自己嘅需要，唔係麻煩人哋呀！麻唔麻煩，人哋自己會衡量，覺得真係麻煩自然會話「唔得」啦！所以你唔駛成日怕麻煩人喎！
[版主回覆06/23/2012 09:34:58]我有同佢講我仲聽到聲的
[Daisy回覆06/22/2012 11:16:11]咁唔怪得你食極藥都唔好啦！
.
醫生都唔知你食咗啲藥有無效，或者有效成點樣，點同你調校邊隻最啱你呢？又點知份量啱唔啱呢？
.
為咗自己好，你唔敢講，可以寫低，到時遞俾醫生。
[版主回覆06/22/2012 10:48:51]對住醫生，我咩都唔夠擔講
[Daisy回覆06/21/2012 10:24:25]係呀！你星期五見醫生，預先一晚可以自己計劃一下，見到醫生會講乜嘢，可以試吓列出嚟，等自己唔好到時唔知點講。
[版主回覆06/20/2012 19:26:08]你講得幾有道理
[Daisy回覆06/20/2012 16:07:11]傷傷：我哋從來唔清楚別人的工作，所以，唔好先入為主，咬定係人哋唔關心自己。
佢除咗呢一樣之外，肯定仲有其他的工作，有其他的case要跟，你做老闆都唔會請一個人淨係做一樣嘢，係唔係？
.
況且，有時人哋都會好似你一樣，諗住唔好煩你，唔知你會唔會覺得佢搵你傾你會好煩厭，咪一句起兩句止囉。你一定要講出嚟，人哋先知你想點架！
[版主回覆06/20/2012 12:54:50]佢得我呢個case係上小組，所以佢唔會仲要打比其他人
多謝你的拜訪和祝福！
回覆刪除不要太介懷，CP 和 CPN 他們可能真的太多事情要兼顧，所以才不得不取消與你的約見 ，以及在電話裡長話短說。或者你可以主動打電話或send信息給他們，講下你的心情和感受。我相信他們會樂意和你傾.又或者搵身邊一些朋友，天南地北找個話題來傾下，心情自然會輕鬆翻。
[版主回覆06/20/2012 12:57:27]可惜我無勇氣去主動搵人
小妹妹, 你想搵人同你傾計..是好事呀~~ 多哋寫BLOG呀, 寫下自己的狀況, 心情, 所見所聞,,,, 什麼都可以, 會有好多BLOG同你聊天, 好開心架~~加油啦.........
回覆刪除[版主回覆06/20/2012 12:58:37]而傢寫blog已成了我唯一的發洩地方
你可以主動一些去講出自已感受,下次別人咪會同你講多幾句! 我仔仔都以為我冇病, 所以我要好詳細講他知道。人是要互動,所以你有什麼事 就要向別人說, 人家先知道怎樣同你相處。
回覆刪除[版主回覆06/20/2012 19:26:29]明白
係呀! 我近來自己的情緒都不穩定也想有人關心吓。你要外出走動多些。
回覆刪除[版主回覆06/20/2012 19:26:48]我真係唔想行街呀
你做義工好嗎？ok嗎？
回覆刪除[版主回覆06/20/2012 19:27:41]OK既`