見MSW+返病房醫生

今日上課前去左見MSW先，

都係無咩野傾，

佢話咁樣唔係辦法，見親佢都無野講，

今次都係講下學習上的野，

傾下學左D咩咁囉，

佢問我星期六有咩野做，

我答佢無，

我真係無咩野做呀嘛，

佢都係叫我識多D唔同的人，

因為佢話佢最多仲有半年就會走，

其實我有心理準備的，

但係佢話好擔心我，

怕我佢走左之後我唔知點，

講真我都無唸過，

到時至算啦~

之後返學，

今日要present野，

我唔肯出去，

結果同個呀sir講左一輪，我都係無出，

我最憎就要present野的.......

放學返左病房見醫生，

今次好快，等左佢15mins，

姑娘又話我個樣有D唔掂，但係我死都話無野~

醫生今一開始咩都無講，

就問我想點，返入去住好唔好，

次次見佢佢都係咁講嫁啦，

但暫時黎講都係我贏，

醫生話我玩佢，話我走之前又答應佢一有聲就返去醫院住，

但出左黎又唔肯返入去，

醫生：仲有無聽到聲？唔洗講都有嫁啦~又唔肯返入黎住嫁啦，返學學左D咩呀？

我：唔知呀

醫生：返左2個星期都唔知學咩？

我：都無咩聽書

醫生：一定掛住聽D聲唔聽書啦

我唔出聲，醫生：唔出聲即係係啦，都聽唔到書返學做咩姐，,不如返入黎住啦

我：計到出席率咪得囉

醫生：即係玩緊學校個制度啦，但係你違反左我個原則囉~

我又無出聲，醫生：你會唔會聽到聲又想死的？

我仲係無出聲，醫生：而家叻啦你，唔答我了，唸住唔答我就做左我就唔會鬧你呀!!!訓唔訓到呀？

我：訓唔到

醫生：又訓唔到，又聽到聲都唔返入黎住？

我都係無出聲，醫生：你想點呀？

我：返屋企

醫生：好~又比你返屋企，但同你加小小藥......星期五再見啦~

咁就結束左約2mins的見面了~