2012年9月16日 星期日
好down =.=
今早都有返教會，
其實我超唔想起床，
唔知點解超眼訓，
唉~我已經唔多想返教會，
可能太多人，令我好驚，
而且，我真係邊度都唔想去，
不過，呀媽又死都要我去，
我去到，都係係咁玩手機，
根本無咩聽佢地講野........
今日唔知點解個人好down，
琴晚好辛苦先做完份maths功課，
今日已經無心機溫書，
以前的我都唔係咁的，
我以前做好耐功課，溫好耐書都唔係覺得好攰，
但而家的我，做兩做，溫兩溫，就好辛苦，
甚至好想發脾氣，好想哭tim~
我變左了，我唔再係以前的我，
或許，我真係唔再適合返學，
返學只會令我個病更嚴重，
但係，唔返學仲可以做D咩？
要健康定要學業？
我真係唔知點好，
有時候，我真係情願自私一點，先走一步，
離開這煩惱的世界，
咁咪可以逃避一切囉~
訂閱：
張貼留言 (Atom)
要健康!!!世界不會只有煩惱, 世界還有好多值得的東西, 只係你唔去理. 我想大膽問你, 你信輪迴嗎?
回覆刪除[版主回覆09/16/2012 23:10:26]多謝你呀，我會盡力的
[Kammy回覆09/16/2012 22:20:49]你會幫有需要的人, 第一件事, 不要放棄, 我要係你blog到見到你架, 唔好走左去
[版主回覆09/16/2012 22:12:48]我一定會幫有需要的人的
[Kammy回覆09/16/2012 21:44:51]如果你上網搵一d資料, 其實真係有呢, 至於最後你信唔信, 都係你自己. 我又想問你, 如果你好番哂, 你會唔會幫番d有需要既人呢?人是智慧型動物, 可以身為人, 其實已經很好~人地點樣睇你, 係人地既事, 你還是以前的你, 別放棄尋回失去的自己^^
[版主回覆09/16/2012 21:32:16]我都唔知自己信唔信
唔好俾太大壓力自已, 無心機溫書因為身體累了, 有病控制不到你都不想架嗎 !! 讀書等無咁攰時候再追回......書幾時都可以讀 !! 有健康身體做事才有動力, 你一定可以好番俾多點信心自己 ~~~
回覆刪除[版主回覆09/16/2012 21:33:24]無時間了，好快就要test了><
現在就開始每日溫一些, 做功課時候就溫好書先做, 平時功課做得好, 考試 TEST 都不會太差...唔好常常想著要考得好好, 好高分....讀書不是求分數愉快地上學.
回覆刪除[版主回覆09/17/2012 15:45:25]哈哈
[亞雪回覆09/17/2012 13:14:30]乖孩子就是喜歡讀書...
[版主回覆09/16/2012 23:09:37]你講得都對既，我會盡力的
[亞雪回覆09/16/2012 22:44:19]你還細可以追回的 ~~ 現在身體有事就要搞好身體先, 好多孩子讀書都不叻架......你D 同學都不是個個考第一啦, 總有人叻有人差一點, 自已盡力了就可以啦 ~~
[版主回覆09/16/2012 22:19:48]話就話唔求分數姐，但呢個社會始終睇分數睇得好重要
可能放了兩個月暑假,而且又入了醫院一段時間,剛剛重新踏入校園,令妳有點不知所措啫,妳應該無問題的,不要給自己壓力吧,既然以前喜歡讀書,無理由突然會討厭起來.
回覆刪除[版主回覆09/17/2012 11:57:25]希望啦
[沒有叮噹回覆09/17/2012 08:41:58]我應該用錯詞語.但妳一時覺得辛苦,遲啲應該能適應番.
[版主回覆09/16/2012 22:14:27]我唔係討厭，係覺得辛苦姐
傷傷：讀書好辛苦呀！我都覺得係，不過唔止你一個，人人讀書都辛苦。你以前無咁辛苦，因為你以前低年班，程度淺啲，而家升咗班，程度一定又深咗，所以梗係辛苦啦！唔好樣樣都入咗落自己個病條數度啦！
回覆刪除讀書方面，覺得辛苦就停一停，休息吓，食啲嘢，飲啖水。唔一定要好高分ga！就算唔合格，都唔駛死呀！好多人都無好成績，一樣生活得到呀！你努力加油呀！
[版主回覆09/18/2012 14:45:09]你講得都對既
[Daisy回覆09/17/2012 21:02:30]好多人對你好高期望，那是因為他們愛你。
.
不過，你要想想：你每天過活，究竟是為他們還是為自己？
.
如果為他們，那麼因為他們愛你，你即使達不到他們的期望，他們還是一樣愛你的，他們會諒解你。
.
如果為自己，就更應放過自己，自己能力做到多少就做多少，盡力就可以。
[版主回覆09/17/2012 15:44:50]但好多人對我好高期望
[Daisy回覆09/17/2012 13:07:18]學得幾多咪幾多囉！有人科科都紅，一樣無事啫！
[版主回覆09/17/2012 08:22:14]我自認無佢地咁叻，唉~學期初已經係咁，之後都唔知點算
讀書系辛苦D.但唔趁後生讀多D.臨老先去讀.記性都唔好.唔知系醫院住有無得讀？
回覆刪除[版主回覆09/17/2012 08:23:22]你講得對呀,係醫院係無得讀書的
Morning, my young lady
回覆刪除Never give in.
[版主回覆09/17/2012 08:23:43]盡量啦
千祈唔好咁諗，壓力係有，但唔係自己俾自己的，放寬一點，要同自己講，冇乜嘢可以難倒自己，做唔到咪放開一便，遲啲再做未必做不來，就算真的做不到，也並不是大不了的事，對嗎？
回覆刪除[版主回覆09/17/2012 08:24:38]無得放開一邊，趕住交的
要健康定要學業？2樣都要, 學業不要給自已太大壓力, 心情自然好D。人生就是這樣, 有苦有甜、有悲有樂。 我病發的時侯, 連門出不到, 都好辛苦。 曾經也想放棄。但家裹的人鼓勵, 我現在己經可以出街。你要同自己說我很好! 你想哭咪哭!不要壓抑自已。
回覆刪除[版主回覆09/17/2012 11:56:34]我哭會比人鬧的
魚冇腳，蟹冇翼，咁蝦冇咩？...................................太郎
回覆刪除咩生果唔打字？........................................................蕉(不打自招)
[版主回覆09/17/2012 15:48:00]一個都答唔中，我IQ真低><
健康和學業，
回覆刪除都可一齊要，
返學不會令你個病更嚴重，
反而會幫到你，
只要你放鬆一點即可。
[版主回覆09/18/2012 14:42:02]希望係啦