咁係最好的

今日係星期一，

係一個星期中的第一日，

代表著未來5日要返學了，

返完呢5日，就有得放4日假，係好事嗎？

放完之後又有排補課了........

今日最後一堂就係班主任堂，

要分組見班主任，

第一組就係要見了，

我地組的人集體投訴IT老師唔教書，

問佢問題又十聲九唔應，

但班主任仲反而話我地唔應該投訴老師，唔應該話老師的不是，

話我地應該顧掂自己先，

仲見我地自己改善下，

算啦，我一早就話同老師投訴老師係無用的，

老師一定會幫住老師的，

何況，係學校，老師永遠是對的，不是嗎？

班主任問我平時做D咩，鐘意睇書的我，

我答佢無野做，

因為呢排我根本唔鐘意答人野，

我更加唔想同一個唔熟的人講自己野，

所以咪比佢話我要睇多D書囉~

其實，我成日都攞住本書睇，

但放心，我唔會同一個完全唔了解我的人計較的，何況係我選擇唔答佢的........

放學，又去左見學校S.W，

都係咩都講，無咩特別的話題，

因為佢問我咩，我都無正面的答案，我多數都係帶佢遊花園，走左第二個話題度~

我呢排唔知點解唔鐘意正是咁答人野，

因為我想做返幾年前的我，

我的內心世界只有我自己知，

講左出黎都幫唔到我，只會令人擔心、煩惱，

咁不知唔好講~

唔講起碼唔洗比人話我成日煩住人，係唔係先？

但今日學校社工問得最多我的問題就係：

"我知你10月一定有D plan 的，係咩姐？"

我當然無答啦，

我唔會再同人講我要死的事，

快至比人話我成日嚇人呀!!!

無論我10月仲係唔係度，

我都唔想我係世上留比人的印象就係煩住人，成日嚇人呀，

何況，如果我講左，你地又幫唔到我，萬一我又成功左，你地咪怪自己點解幫唔到我囉，

咁如果我無講，咁就唔係你地責任啦~

可能我又唸多左，只係我單一的想法，

但係，為左自己唔好比人話，為左人地唔洗自責，

咁的做法係最好的.........