中秋節

今日係中秋節，

唔鐘意中秋節的我，

都無安排任何節目，

都係當普通一日咁過~

中秋節係一家團圓的日子，

6年前的今日，確實係可以一家團圓的，

一家人開開心心食過月餅，就落去樓下行下，

甚至攞起螢光棒去玩，同普通一個小朋友無咩分別，

數年前，仲可以見到家姐返黎送月餅比爸爸，

雖然我同家姐年齡相差好遠，

但都可以好開心~

之後，家姐再無黎探爸爸了，

但我都無太大的唔開心，

但估唔到6年前的今日，

過完個中秋後，

我家中的其中一個親人就離開我了，

我當然非常之傷心，

細細個的我，從此就好討厭中秋節，

因為如果遲D先中秋節，咁佢就唔洗離我地而去，

我知道我唔應該怪責，但我可以點姐~

今時今日，我討厭中秋節，

怪責中秋節的來臨只係其中一部分，

因為中秋節的來臨，我又要面對離去親人的哀傷，

其次係因為中秋節令我更加想起佢......

我唔想再提起佢係邊一個，

或許我在逃避啦~

聽日就係十月了，

係我最討厭的十月，

但我知道我想做的野仲未做，一切都要等做完先算吧~

今日都有返教會，

今日返教會令我更討厭呀媽，

佢居然同一個我唔識的人話我今年入左6次院，仲要剛剛先出院，

那人問我係唔係，

我即刻答：唔係呀，出左好耐啦，

但呀媽仲不知悔改咁話我：你明明就係前日先出院，

唉~我真係唔想比人知我的野，

佢有無唸過我的感受的？

我只想比人當普通人咁，唔係想當我好似病人咁呀~

唉~佢根本就唔明!!!

無論如何，我幾憎中秋節都好，都祝大家

中秋節快樂