2013年4月11日 星期四
好辛苦
今日都係返學日，
第一堂教種族歧視，
話佢地根本唔夠擔唸夢想，
哈，我都係，
我連返學都咁煩，
仲講咩夢想，
我相信無人會請一個一星期要最少3-4日見人的人，
唔係咩？我都唔知我會唔會有好返的一日，
但我的情況就真係好似越來越差，起碼比2012年尾差，
我累了，我好想休息，
我真係好辛苦....
Lunch之後個堂，我地班居然同Miss講聽日唔想返學，
所以想將聽日的堂，搬係下星期四補返，
Miss一口答應左，
但我想講我下星期就四係空堂的時間Book左見CP，
而家又話要補課，即係我又上唔到堂啦，
我計過，再唔返呢科出席率一定唔夠，
點解我唔即刻同MISS講？
我講左老師可以點？佢因為我而唔咁做？
我一定比成班鬧死，
我唔可以咁做，
我落堂同左Miss講我返唔到，
但.....佢哦左就算....
唔會有人理我，我都唔可以咁自私，叫成班就我，
但我估唔到Miss會比學生因唔想返學做理由，而調堂，
我真係好辛苦，我唔想再係咁呀，
我成日都為左呢D野煩，
CP唔可以改期嫁，我之後考試，D時間仲難約，
所以我今次唔可以唔去，
同埋我呢排的情況咁，唔見我真係唔知會點....
我真係好掛住我前MSW，
佢一定會比到意見我，
以往學校同同呀媽相處的野，佢都會幫我，
但而家佢走左，我D問題又偏偏係呢個時間發生，
而家MSW，仲係度傾D History問題，
我而家已經成日聽到有人叫我，又覺得D人會對我同呀媽唔好，
我已經好辛苦，我真係唔想再因呢D而煩呀~但我又可以點呀？
今日放學，我要留係學校做功課，
借左Mindfuless的CD比學校SW，
男SW見到，佢都話想要，
我屋企其實好多，但我相信佢唔係認真掛~
所以我做功課了，做左一陣功課，就返屋企了~
唉~聽日唔洗返學，係件開心的事嗎？我一定唔係囉，我情願返.....
訂閱：
張貼留言 (Atom)
凡事努力做，盡力做就可以了，結果不是我們可以控制。
回覆刪除[版主回覆04/17/2013 20:15:48]唉~
[StoryTeller回覆04/13/2013 16:02:12]這醫生真差
[版主回覆04/12/2013 20:16:26]醫生唔會理我
[StoryTeller回覆04/12/2013 18:04:06]聽到野有多種原因，但因為您的宗教信仰問題，您唯有信醫生。
[版主回覆04/12/2013 10:22:55]我真係唔知可以點~
仲有冇位比我讀!?
回覆刪除[版主回覆04/12/2013 11:00:47]?
[小鄧子回覆04/12/2013 10:41:41]唔好入錯青山!
[版主回覆04/12/2013 10:23:50]下？會無位的嗎？
小妹，你是一個十分重視學業的人，對不？因為我看到你珍惜學校中的每一個學習機會，也重視學科成績。
回覆刪除可能因為這樣，每次當上課時間與你見其他人(如CP)的時間有衝突時，總會心情轉差，也不知所惜(即是你口中常說的「我可以點」或「不知可以點」)。你記不記得你心情變得很差時，你上課時的情況是怎樣的？人在課室也沒有心機聽書，全不入耳，對不對？那樣，呆呆坐在課室又有什麼用？
其實，小妹你不妨靜心想一想，那代表什麼？會否代表如果你不能減輕情緒困擾，即使你人在課室中，也是沒有多大得著？所以，或許在你心情不佳，還未復原得很好時，見輔助團隊(如CP)比上學還重要。事實會不會是這樣？
如果時間有衝突，自己調一調後，又可以見其他人，又可以上課，當然最好。但如果時間真的不能配合，或許見輔助團隊真的比較重要。煩，有時可能是希望我們希望兩者兼得，如果我們能分清那一樣較為重要，能在迫不得已時作出取捨，或許會少一點煩惱。
另外，你說「我而家已經成日聽到有人叫我，又覺得D人會對我同呀媽唔好」。如果這種可能是「幻聽」的情況持續，你一定要把這種情況告訴輔助團隊(可以是CP、可以是MSW或其他人)，即使你的MSW仍在和你討論History，這件事你也一定要主動提出優先對他說，看看他們有什麼可優先幫助你，明白嗎？他們是來幫你的，自然要彈性去處理你的事宜，你不用介懷你會打亂他們的程序。
又，小妹，其實你自己是否察覺什麼情況下你最易感到「有人常常叫你」？
[版主回覆04/12/2013 10:28:17]我知見CP重要，但返學都好重要，出席率唔夠都唔得....
我呢排比平時多左呢D「幻聽」的情況，咩情況都會有，有時候連我自己都唔知幾時真幾時假，我同其他人講無用的，因為就算佢地想幫我，但醫生都唔理，佢地都幫唔到....我更加同唔到MSW講，因為佢唔知我的野，根本就唔會知道我點解會有呢D事出現....
今次令你煩惱的事，
回覆刪除是下星期四補課的事，
論優先，
是見CP。
.
對 MSW 和 Ｍiss 事先講清楚，
一定不會影響出席率。
.
不是不理補課，
而是改得倉卒，
學校老師一定明白。
.
做事有道理，
就直接而誠懇。
.
請接受我的建議，
一於見CP。
.
[版主回覆04/12/2013 10:31:31]我會見CP，但我真係好擔心學校個邊，有時候唔係Miss唔想幫我，係政察上的問題，當然Miss自己本身的睇法都重要....唉~總知好煩~
點解唔敢有夢想啫,每個人都有這個專利,不要因今天的情況而放棄妳的將來.
回覆刪除[版主回覆04/12/2013 20:15:52]><
[沒有叮噹回覆04/12/2013 13:03:41]妳太悲觀和缺乏自信.
[版主回覆04/12/2013 10:31:48]我根本就睇唔到將來，我睇到的係將來都會係咁~
做人一定要有夢想架...生活無論幾辛苦都好, 夢想是人生的支柱~~
回覆刪除[版主回覆04/12/2013 10:32:03]我唔敢再唸
你要俾心機呀... 共勉之....
回覆刪除[版主回覆04/12/2013 20:15:04]thanks
要實現自己夢想，要用好長好長嘅時間同心機＋金錢的．．所以唔會人人做到！
回覆刪除[版主回覆04/12/2013 20:15:11]唉!
雖然你好多時缺席上課,但你嘅成績無受到影响喎!所以唔需要太介懐出席率,最重要成績可以保持! 古語講得好:讀書之道無他,求其放心而矣! 讀書主要係明白事理!尋回失落嘅本心!
回覆刪除[版主回覆04/14/2013 20:31:16]佢話已經有20%比我地請病假
[過氣年青人回覆04/13/2013 19:22:44]但你有原因喎!
[版主回覆04/12/2013 20:15:34]我地學校唔夠出席率就無得考試
你決定見cp，呢個決定好啱呀！至於老師方面，佢知道「哦」咗一聲，即是無問題，唔駛咁擔心，至於出席率，學校對你應該有寬容，計出席率只係對付嗰啲成日逃學唔返嘅學生啫！
回覆刪除[版主回覆04/14/2013 20:30:31]上個學期都有同學因入院而出席率唔陪，都無得考試
加油呀！！有好多人都會支持你:)所以，唔好咁就放棄呀！！
回覆刪除[版主回覆04/14/2013 20:29:44]多謝你