見新MSW

琴日我因為返到屋企都10點半，

食飯，執下野都11點幾12點，

所以無打Blog~

琴日上完Eng堂之後係Account堂，

我可以做得完，

都平到條數，

但我總係會覺得我會錯埋D無聊野....

放學返左一陣屋企，

食下午茶，就去左見C，

傾下計，畫下畫，

咁就過左個幾鐘~

所以返到屋企10點幾，

佢仲未食飯，好慘><

今日第一堂又係教國民身心認同個D，

咩愛國的表現....

最後，個Project要Present，

我快至煩，都Present埋，

好驚，講完都唔知自己講過咩~

Present完，下一個Present緊個陣，

某同學(A)唔知點解同某同學(B)吵，

之後老師介入，點知(A)又同老師吵，

平時A都好燥，會拍枱同作勢飛椅，

所以我地都好驚，

之後老師忽然叫我同某女學落去叫男SW落黎，

我仲問：下？真的~

老師話係，之後我就飛左落去，

叫男SW上去，但佢仲問：發生咩事呀？

我：總知大件事啦~

我個SW聽到係咁問，有無女仔？我洗唔洗上去？

我：OK呀，唔洗~只係男仔~

之後個男SW就飛左上去~

上到去，帶左A走~

之後我地班就還原了.....

Lunch後都係做Project，

放學後，我去左見MSW，

一黎佢問我有無溫書？

我：我想溫，但太多野做，何況都溫左呢排Test個D先啦~

佢：平時都溫得？

我：係呀，但真係無時間，而且無考試時間表，又無範圍....

之後又飛左去考完試放暑假點~

佢叫我做野，我同佢講：我而家一星期3日都見人，有人會請嗎？我搵D course 讀算，上年都係咁~不過都因為入左院，而讀唔完~

佢：你好鐘意入院？我同佢講，我超唔鐘意，但佢：如果人地要較藥入去就話姐，你又唔係？而且全部病人都自殺都唔係病發~

我：下？睇下係咩病？有D真係病發囉~

佢又話呢個世界無咩人格分裂的情況，所以唔洗去研究？

唉~如果個個都係咁唸，就唔會有人去關心人~

之後又去返暑假問題，我同佢講：要訂立一D目標就會令自己小D入院~

佢：去到暑假中間先唸啦~

我：咁就唔會再有意義~

佢：唔好咁執著啦~

我哭左，因為唔係執著的問題，而係我最清楚自己，我一會覺得暑假無野做就會唔得~

佢：咁你唸住讀咩課程？

我：又係你叫我唔好唸住，到暑假中間先唸，而家又問我？

佢發火了：我覺得你唔適合再傾，你次次見我都不斷係咁，其實係可以我約左你可以唔黎的~

佢講完，我哭得仲勁，我只係講出事實，因為我每次未講完一句佢又插左D佢想講的野，

之後又唔比我講，我有時都唔知佢想點~

個一刻我同自己講：我只好以後都唔會再講野，我做返以前的我，你地講咩我就答哦~但其實係做唔到~

我唔想再係咁，我唔想再吵，

我之後都無再講野，

我地無再約下次，

或許真係要比個空間大家去唸下....

之後社康同我約下次見面，

都約唔到，最快都要5月尾尾尾先見到~

到時先算~

我而家又好頭痛....