見新MSW

今日去左醫院見MSW，

第一次見佢，

雖然上星期都見過，

但只係打招呼，

所以係我心目中係唔計的.....

其實都真係無咩野講，

講埋D無聊野，

講我之前見MSW的情況，

我同佢講：唔洗因為之前MSW咁做而要跟返，每個人的做事方式都唔同，唔洗因我而改變....

因為佢問我平時係點見MSW，

我同佢講：多數一邊行街，一邊講，有時去我學校.....

佢：我唔識路...

所以我就同佢咁講了....

雖然我真係好掛住之前個MSW，

但唔可以因為咁，叫人跟佢的方式做，

而且之前個MSW同我一齊做的野，

係SW多數唔會做的野，

我相信比人知道就真係不得了，

所以我好多都無同人講，

係個Blog都無打，

因為我唔想有人同佢做比較.....

但之前MSW為我做的野，我個心就一定清楚.....

我只知道而家見我的人，

我地講的野都唔係咁認真，

我唸而家得CP係比較認真的.....

我都唔知係好事定壞事，

但我當然希望有多一個半個係認真D，

等我有事都真係可以講到....

今日MSW同我講，佢話唔知係佢見緊社工定係我見緊，

因為佢地D術語我好多都知道，

其實係我習慣左講，但我同佢講呢D，只係我知佢會聽得明.....

其實今日都只係大致上講呢D野....

好多無聊野咁....

之後我約左個朋友(真係唔想再分咩Blog友定院友，因為我地只成了朋友)，比野佢，

之後傾左一陣，就返屋企，

又同呀媽食D野，

我就返屋企訓左陣，

唉~好多功課做，

好多都未做，

CP個份都未做呀><

我要努力了.....