2013年4月22日 星期一
覆診+見CP
今日係返學日，
但我只返左個幾鐘，
因為今日係覆診日，
上午覆Asthma，下午見CP~
一早返到學校，
Quiz左Account，
唔識~平唔到數，
已經無心情睇錯咩，
最後我知道錯咩，但都無改，
因為改一度，就要改曬~
無咁的心情去做~
琴日因為知道今日堂上會做邊題，
所以我做左係張紙度，
今日抄返就OK，我就早退了.....
上午覆Asthma，
去到醫院，我遲到了，
所以一去到等左20 mins 左右就到了(平時要等粒幾鐘)，
入到去，佢話之前檢查報告比2003好，
我：當然啦，2003年個陣我入左ICU~
佢話好似唔係，
但我一定記得，個陣係沙士完左，我就入左去~
個陣我超細個，但我一定記得~
但佢唔係我主診，所以我無再同佢講，
之後就攞藥，原來佢係顧問醫生，
唉~咁大堂做野仲咁馬虎，
我d病歷都唔睇，算啦~下次都唔係見佢....
之後下午去左見cp，
見左半粒鐘左右，
都係睇功課，傾左一陣學校的野同我覺得比人跟的野，
佢無咩反應，只係叫我同學校sw講，
下次佢想見下呀媽.....
唔知點解，我覺得我同cp好似疏離左好多，
唸返起一年前同佢的關係，
見佢時，我同佢講唔開心的事，佢會同我好仔細咁傾，
但而家~唉~我都唔知想佢點，
但我有時侯，真係唔知點解我會咁唸....
我好驚，佢會越來越唔理我，
佢今日問我：你想唔想入院？
可能我的情況真係差左啦，
但我都有同佢講：唔想....
佢：咁要支持落去呀~
係，就快考試，我一定要頂住，
佢都同我講：你一到呢d時候，一有壓力就會咁~
唉~我一定要過到呀.....
今日我要做1份Powerpoint，小小Project，Eng功課同回一封信~
我要努力了....
訂閱：
張貼留言 (Atom)
醫生可能見你前，
回覆刪除已經睇左病歷。
.
總之，
檢查報告比以前好，
就不用担心啦。
.
cp不會不理你，
不要想得太多呀。
.
看你說
頂住，
過到，
努力，
覺得你很積極，
比以前
大有進步呢。
[版主回覆04/23/2013 09:01:45]個排牌係我攞入去的，佢無睇過。
你最後嗰句講得好好:我要努力!
回覆刪除[版主回覆04/23/2013 19:11:50]^^
唔知點解突然諗起一個故事，想同你分享。。故事係咁既：阿a 同阿b 去食早餐，咁阿a 呢就唔食薯餅既，咁佢就問阿b 要唔要啦，阿b 就話好，然後佢就滿心歡起的收下，仲多謝左阿a 好多次添。如是者，每一次阿a同阿b 去食早餐時， 都會比左個薯餅阿b, 起初阿b都會同阿a 講多謝。慢慢比薯餅阿b 就成為左佢哋一齊食早餐時的習慣，大家習以為常，亦都無再特別感謝對方。直至有一日，阿c 都同埋佢地一齊食早餐，阿c 話好鐘意食薯餅，結果阿a 今次就比左個薯餅阿c 啦，阿c 當然好開心啦，連聲多謝阿a。而阿b 無講d咩，但佢心裡面好唔開心，暗暗怪責阿b 點解唔係比個薯餅自己。。。。覺得阿a已經對佢唔再好。。。睇完呢個故事，你認為阿b 有無怪錯阿a呢？有d 野當習以為常的時候，別忘記應當珍惜。。有時，呢個世界無人奉旨對邊個好的。。身邊有人唔理係有代價定無代假地為你做一d 野的時候，其實我地都應該心存感激同懂得珍惜這一切。。。至於如果真係仲有其他不滿或唔開心，不妨試下開心見誠同對方講。。。人與人之間溝通是很重要的。。。。而如果懂得經常感恩的話，其實人的快樂是可以來得很容易的：)
回覆刪除[版主回覆05/01/2013 20:30:47]明白
[Efa回覆04/23/2013 19:26:38]所以有時我自己都會嘗試跳出去從別的角度望番入去睇件事。。。
因為從唔同角度去睇同一件事，人會較易容易學會寬容，自己亦會開心d 架。。：)
[版主回覆04/23/2013 19:16:56]從第3姐角度睇係好容易，但活在其中就好難~
對呀,要支持落去,呢CP都唔算唔理你吖.
回覆刪除[版主回覆05/08/2013 20:07:25]係
小妹，有兩件事，我希望你可以想一想﹕
回覆刪除1. 你覺得自己和一年前相比，你有沒有進步？了解一年前的你，我要再追Post。不過我覺得現時的你和幾個月前的你已有很大分別。當你變得比之前好，自然自己想法子、面對的事也會增多。
2. 我未有充足的觀察去評論你CP ge做法。不過，小妹你要意識一點，就是當你慢慢成長，時間長了，你的關係是會和CP變得比之前疏離的。因為你會越來越大個，你也會一天比一天進步，而不管是CP，甚至乎Blog友，總要適度放手去讓你學習想方法去面對你的生活，去找出合適(以不傷害自己為原則)的排解不開心方法。方法有很多，有些人行山，有些人聽音樂，我們可提供很多方法，但你也要去一起找，去試。
[版主回覆05/01/2013 20:30:34]我知道，但我真係覺得佢唔同左
[Small Unknown回覆04/24/2013 13:51:02]唔好意思，之前有野打錯，所以re-post。希望冇煩到你
[Small Unknown回覆04/24/2013 13:50:16]小妹，你總有一天會大個女自立，而不會凡事(例如每次遇到不開心，遇到不想見的人)都要CP及其他人給你一個「方法」讓你去解決，跟著去做。這樣最終對你來說也未必是一件好事。
當然，每個人總有困難時，總有請其他人幫忙的時候，我們也是樂於給你鼓勵及意見的。不過，我希望你心中要有一個目標，就是總會某天，你會康復及不用見CP。
下次當你面對問題，如人際關係問題，你可以試下先想想一個應付方法，不用實行，只是先想一想，然後與CP及其他人分享，這樣會較你常常都「我唔知呀﹗」、「我可以點﹗」，然後CP及其他Blog友給你方法為佳。
因為....我看見你的進步，希望你可以繼續提升自己，邁向另一個新階段。
加油﹗
會唔會個CP聽厭左你講唔開心架野,CP也不是聖人.也有情緒不穩定的時候..
回覆刪除[版主回覆05/01/2013 20:29:46]我知，所以我已經開始唔想同佢講咁多野
你唔想入院就要努力堅持住呀!
回覆刪除加油呀，我地好多人support你:)
[版主回覆05/01/2013 20:29:27]多謝你