見新MSW

今日唔洗返學，

早上去左見MSW，

見佢的過程我超嬲，

嬲到呢，直情想走~

一開頭佢問我呢個星期有無事發生，

我話好多，所以唔知講咩，

之後就決定講學校的野先，

我同佢講呢排D時間改來改去，我好辛苦，

佢：打比CP同佢改時間

我同佢講我無得同CP親口講，所以都係約唔到CP我唔洗返學的時間，

佢：下？你無CP的電話嫁？

我：門診電話囉，所以佢咪聽唔到囉~

佢攞左我手上的Daily，仲係咁係度揭(我最討厭人睇我自己的私人野，但我無話佢)，但佢仲要話：下？台灣嫁？咁大本的無印都有啦~

我：下？有日期的，好貴嫁~

佢：唔貴呀(下？我記得我睇過，真係貴囉，但我用邊本有點？有到咪得囉~)

之後又講返，佢：咁你仲有其他空堂，咪約佢係其他時間囉~

我同佢講，而家的問題係學校成日改時間的問題，我再改CP期，學校都會係我見CP的時間而又改左要返學

佢：咁放暑假先見啦

我：我而家一星期見一次，叫我1-2個月先見佢，我一定唔得囉~唔通我一年就只係暑假先可以見CP？

佢：咁你想點姐？

我係呢度，哭到氣喘了，因為我真係好唔開心，如果我知點就唔洗咁唔開心啦~

佢：一係呢幾個星期唔好見CP，叫佢打比你啦，唔洗見都傾到嫁~

我：要返學，就算有時D小息同Lunch都係學校，我係學校係咁多同學面前同CP講自己野？

佢：唔好咁完美得唔得呀？

我又大哭....我同佢講呢個唔係完唔完美的問題，係學校有同學係度，我同CP講的野會比同學聽到，我唔會講囉~咁我同CP傾都係想解決問題，咁如果講唔到，不如唔好傾？

佢：咁你想點呀？咁你自己同CP講啦，再唔係同學校SW講...

我越哭越厲害，因為我覺得我唔可以再同佢講落去，再講我真係怕我會拍枱走人，之後又會OD....

如果我真係如果搵到佢地Or可以同佢地講，我就唔洗咁，

我真係唔想再同佢講野，

我真係好攰，

以前個MSW一定會同我傾D好的解決方法，

呢D學校的野，我多數同佢講，

相反，而家就好似吵架咁，我句野都未講完，佢就插左，講佢想講的野，

我唔知呀，我知道佢有幫我唸D方法，

但我真係唔想佢講完，我就認真，但其實係做唔到呀~

我真係無CP電話，而我真係唔可以放暑假先見，更加可以當住同學面前同CP傾計~

我有同佢講：而家核心的問題係學校亂改時間而搞到我咁，原本見CP唔係問題，我咁樣避根本就唔得，唔通次次都係咁？

但佢居然同我講，呢個係我同CP同學校的關係，我應該同學校SW OR CP 講~

又話佢趕住食飯，又話肚餓....

我真係好唔開心，佢咁樣我更加掛住前MSW，

佢約我下次時，又話無帶Daily，未約~

我今日哭到好頭痛，我真係好辛苦，

見完佢，我居然有衝動想OD><