回來了

8月23日，一早我去見CP，

CP係咁叫我唔好聽電話，

我話我做唔到~

佢：你朋友的話你就聽，我就唔聽，不如佢做你CP啦~

我：唔好呀~

佢：好的你就唔聽，叫你爬上黎你又唔爬~

我：我真係無力，我真係好辛苦

佢：咁你咪入院囉~

我：我唔入呀，入到去個個人都識我

佢：又怕人失望？
我點頭

佢：你覺得你入院令人失望D定你死左令人失望D？

我：我唔想咁的

佢：唔想你咪做囉~

我：佢的威力真係太大

佢：咩威力大姐~你話我話既~佢死左係關我事，唔係關你事，咁得了嗎？

我：我真係忍唔到呀

佢：你知唔知我呢2年見你，你仲係咁，我覺得係我無用，所以幫唔到你~

我：唔關你事呀，係我自己做唔到

佢：咩做唔到姐~你知唔知佢死左，唔係你的責任，最多都係5%

我：我係明的，但我都係做唔到~

佢：咁入A&E啦~

我唔肯~

佢：你仲衰過琴日，琴日都肯入....你知唔知你死左，我一定會好唔開心，我希望你可以做到~我琴日未同你講完，今日都再加多一節再見你，我已經盡左力了~好啦，你幾時開學？

我：9月2日

佢：未出時間表？

我：未~

佢：咁約下星期啦~星期五見啦~

走左之後，我好唔開心，好辛苦~

我無返屋企，周圍行下，

好想去碼頭，好想落水，好想.....

呀媽打比我，我話我想周圍行下，叫佢唔好打比我~

行下，坐下，行左個半鐘，

有人打比我，我見到個號碼，係未見過的~

我聽左，係學校SW係第二度開緊會，打比我~

佢：你係邊呀？

我：唔知係邊

佢：下？你無見CP？

我：見完

佢：你無返屋企？

我：無，我想行下

佢：咁你又唔知自己係邊？有無搭過車？

我：無呀，見完CP一直行囉~有路就行

佢：你唸住去邊？

我：碼頭囉~

佢：去做咩？

我：唔知呀，想去我就去啦

佢：不如你過黎搵我，好無？

我：我都唔知自己係邊？

佢：你望下你身邊有咩？

我：全部都係工廠

佢：見唔見到屯門IVE？

我：好似係附近~

佢：你係個度搭車過黎葵芳搵我啦，1點3你應該黎到，我1點再打比你

佢教左我點搭車，我見到IVE係前面，我入去攞埋之前返工的人工，就搵SW

去到，佢問我食唔食野，

我話唔想食，叫佢食

佢話我食佢先食，佢食左小小野，唔食就得~

我話唔想食~

之後就傾左陣計~

佢問我去碼頭做咩？

我話：唔知呀

佢：咁咁多地方可以去，做咩要去個度？

我：因為有海囉~

佢：咁又點？想跳？

我點頭，之後又哭了~

佢問朋友有無打比我，

我話有，9個，我只聽左2個~

佢：講咩？

我：咁啱收唔到

佢：咁你叻左，可以唔聽~但你可唔可以答應我，唔可以再去碼頭~

我無出聲~電話又響了

佢：你比你手機我，唔比佢再打擾我地，我同你睇住，關左佢先~

我關左，比左佢~

佢：CP有無叫你入院？

我：佢話我比琴日差左，今日連A&E都唔肯入....

佢：不如入啦，好無？

我：唔要呀

佢：一係你答應我唔去碼頭

我無出聲~

佢：我未求過你，你答應唔到就去A&E好嗎？我出去買D野比你飲~你唸下啦

佢買完入黎，佢話：唔洗你入TMH，最多入PMH了~

我：佢咪又調返我詔去

佢：咁試下啦，好無？而家去啦~

佢叫我同班主任講再見，就去了~

班主任話9月2日一定要見到我~

講完88，同學校sw走了~

之後佢帶左我搭的士去~

去到，好多人，寫住要等5粒鐘

但好快分流站就叫我，

SW講左咩事比姑娘知，

姑娘叩我地即刻可以去等見醫生~

等多10mins，醫生就叫我~

SW又講比佢聽的的野，醫生再問我咩事？

我無答~

醫生：不如入一入院，觀察下，同專科傾下計，好唔好？我知你一時三刻好難講到

我：下？哦~

之後佢叫我抽血，做心電圖，驗小便個D~

我就去左觀察病房~

5點半，學校SW話要返學校做野~

我：下？咁夜仲返？返到去6點幾

佢：係呀，7點囉~

我：咁你咪9點都未放工？

佢：係呀，我仲有文件要處理呀~我返去了~

同佢講左88之後，

我就訓左一陣~

6點幾，姑娘問：妹妹，你食咩呀？飯好無？

我：好呀，唔該~

食左小小野，又訓下~

7點幾8點，我忍唔住了~

我走去問姑娘：姑娘，我想問我而家等咩呀？

姑娘：你等見完專科先知洗唔洗留院呀

我：要幾時見呀？

姑娘：佢而家見緊其他人，一陣先過黎，我Call左佢了~係咪好悶呀？

我點頭~

姑娘：不如我比D雜誌你睇呀？

我：唔洗了

姑娘：咁你訓下啦，有咩再搵我啦~

我返埋位，又訓~

等到9點幾，先有得見~

係專科護士黎~

佢話叫我訓一晚~叫我今晚要乖乖地，第二日就可以走~

我：係呢度訓？

佢：上急症病房啦，呢度好嘈~

佢走左，我12點幾就調左上去~

訓唔到，4點幾姑娘比藥我食~

5點幾我訓左小小，7點又比人叫醒，

食完早餐，又訓~

10點幾，專科見我，話我走得~

但11點，醫生巡房，又話叫我住多一晚~

12點幾，姑娘同4我講，我走得，叫呀媽黎接我~

我打比呀媽，呀媽話7點先黎到，佢唔識路，要人帶~

我只好訓一陣~

2點幾，專科黎，同我講走得，叫我返到屋企乖乖地~

3點幾：醫生巡房，佢話我走得~

咁即係真係走得啦~

7點幾，呀媽就帶左我走~

琴日學校SW有打比我，

我都同左佢講，我走得....

今日，我真係好唔開心，但就快開學，

我出左屯市買野，

心情唔好，係咁買~

而家的我，又再次好辛苦，又好想再哭......