見CP

我想問大家知唔知即係咩意思？

重要公告：Yahoo! Blog將於2013年10月30日進入唯讀模式，2013年12月26日關閉服務
經過評估全球資源及整體發展方向後，我們決定在2013年12月26日正式終止 Yahoo! Blog。為保障用戶權益，自2013年9月2日起，Yahoo! Blog將開放用戶的資料備份申請、下載、「輕鬆搬家」、通知我們新網址服務。

即係佢有另一個網比我地，將D野放入去？

之後可唔可以KEEP住係新的網頁度打？

我應該可以點做呀？

你地又會點做呀？

大家仲會打Blog嗎？

講返今日先~

一早出去見CP，
CP問左我D例行性的問題之後，

佢就叫我同我朋友絕交，

佢話我又要處理自己的情緒，又要理埋人地~

咁我又會影響到身邊的人....

佢地只係幫我處理我自己的問題，而唔係我朋友的問題....

佢話叫我自己認真唸下.....

見左15MINS左右~

就返左屋企同呀媽食Lunch~

之後就去左港大~

約左C的同事係某西鐵站一齊去....

比原訂時間早左20mins到~

去到，比人帶左一間有好多玩具的室度~

又有人比2杯水我地....

佢話佢地好好服務...

等的途中，佢比左隻公仔我玩~

我同佢講，我擔心之後見姑娘的情況....

姑娘入左黎了，佢地2個係度交換卡片，

原來見我那個人叫研究輔導員....

輔導員叫我填D資料，

佢就出去左~

填完等左一陣，佢又入左黎了~

都係傾下D背景資料~

同埋講下其他跟我的專業人士係做D咩~

佢話我已經有咁多人跟，但我就有咩都唔多同佢地講~

又話我想自己好，但又一次又一次傷害自己.....

佢問我我想佢地幫我D咩？

我話：處理情緒問題，用一D替代方法代替傷害自己....

到最後，我問佢之後的安排，

佢就叫我出去先~佢地2個傾下~

傾左15mins左右，結果係，見1個半月，再睇下再跟唔跟~

每1至2星期見一次....

佢話佢始終都覺得我好遠，想轉介返地區服務比我....

唉~咁搞法，都唔知會唔會我同佢產生左感情之後，佢就話唔跟~

真係好擔心.....