真係....

今日7點就起床，

未夠8點出門口，同朋友去左金鐘草地，

之後去左誠品，

買左本書~

又去左附近的商務，

買左D信紙同貼紙....

最後食D野，就返返屯門行下，

有D大陸人問：星光大道點去？

我同朋友都呆左，

屯門有星光大道？

原來佢地係知道唔係屯門，

咁我地唸，即係問緊尖沙咀啦...

我地就用左D唔知佢地聽唔聽得明的普通話黎教佢地，

佢地問200蚊去唔去到，

最後我地教佢地買埋票~

真係不得了，我真係情願講英文><

最後我都搭車返屋企了.....

今日中途社康打左2次比我，

問我聽日下午參唔參加活動，

我：我下午要去港大呀

佢：去做咩呀？係咪做正經野...

我：下？去見人囉~

佢：見咩人？

我：社工轉介我去見既~

佢：咁有正經野做就算啦~

唉~我聽日都係第一次去港大見人，

勁遠，之後又唔知佢會唔會唔開File，

開左File，見3次之後又要比錢見，

唉~唔係為左C，我真係唔多想去~

因為我知道人地唔開File的機會好大.....

算啦，聽日先算啦....